AMED - Girtiyên ji doza PKK û PAJK'ê yên li Girîgeha Elbîstanê dimînin, diyar kirin ku Sûr evîn e, jiyanek demokratîk e û gotin ku li dijî rûxandinê rawestin û banga xwedîderketinê kirin.

Hikumeta AKP'ê bi qedexeya li ser Sûrê re, talana li herêmê dewam dike. Piştî di bin navê "Veguherandina bajarvaniye" de gelek avahiyên dîrokî li Sûrê hatin rûxandin, bi sedan malbat ji herêmê hatin koçberkirin. Bertekên li dijî rûxandina Sûrê bi kampanyayên îmzeyan û bi piştgiriya welatiyan dewam dike. Girtiyên ji doza PKK û PAJK'ê yên li Girtîgeha Elbîstanê girtî ne, bi nameyekê bal kişandin ser rûxandina li taxên Lalebey û Alîpaşa yên navçeya Sûrê ya Amedê, gotin ku "Sûr evîn e" û xwestin ku her kes xwedî li Sûrê derkeve.

‘SÛR JIYANEKE DEMOKRATÎK E’

Dîlên azadiyê di nameya xwe de ev tişt gotin: "Sûr evîn e, dîrok e û paşerojek azad e. Jiyaneke demokratîk e. Sûr dilê Amedê, Amed jî ruhê Kurdistanê ye. Ji bo em xwedî li vî bajarî qedîm derkevin, bi hemû hêza xwe ji rûxandinê re bêjin 'RAWEST E'. Kampanyaya îmzeyan a ku Platforma Sûrê daye destpêkirin, em wekî girtiyên li zindanan tev li dibin. Em di xebatên wan û di xebatên xwe de serkeftinê dixwazin û ji bo hemû xebatên xwedîderketina Sûrê piştgiriya xwe didin nîşan."