ENQERE - Serokê AKP'ê Tayip Erdogan bi gotina “metalê westiyayî", ji bajarên kurdan dest bi tasfiyekirina rêveberên berê yên AKP'ê kir. Di serî de li bajarên Kurdistanê serokên AKP'ê îstîfa kirin. Parlamenterê HDP'ê yê Mêrsînê û Sazumankarê AKP'ê yê berê Dengir Mir Mehmet Firat, diyar kir ku ew ne westiyane ne riziyane û wiah got: "Erdogan piştî bêhna rizîn û xerabûnê girt, got 'Ev tevgera xwêkirinê ye. Lê êdî xwê jî bêhn dide. Rizîna dest pê kir dê bidome.

Serokomar Tayyip Erdogan, piştî bû serokê AKP'ê got "Di nava AKP'ê de metalê westiyayî heye. Pêdivî bi nûkirinê ye' Li ser vê yekê di serî de li bajarên Kurdistanê serokên AKP'ê yên bajaran îstîfa kir. Tasfiyekirina AKP'ê ji bajarên Kurdistanê de dest pê kir. Tevgera guhertin û astifeya AKP'ê bi destê Serokê AKP'ê Erdogan dest pê kir.

Têkildarî mijarê Sazumankarê AKP'ê yê di navbera 2002 û 2008'an de berpirsiyariya Serokatiya Teşkîlatan girt ser xwe û piştî îstîfa kir derbasî Partiya Demokratîk a Gelan (HDP) bû Dengir Mir Mehmet Firat, têkildarî rewşa AKP’ê û polîtîkayên AKP'ê de aşivî.

ÊDÎ XWÊYA AKP'Ê JÎ BÊHNÊ DIDE'

Firat, destnîşan kir ku ev rewşa AKP'ê ji westandinê wêdetir rizî ne û wiha got: 'AKP’ê westandin derbas kiriye. Ji ber ku riziya ye û êdî bêhnê dide. Ji bo ku ev bêhn dernekeve xwê kir. Lê êdî xwêya wan jî bêhnê dide. Dixwazin rê li pêş vê rizîbûnê bigirin û xwê dikin. Serokê Giştî yê AKP'ê Recep Tayip Erdogan piştî bêhna genî girt, êdî ket ferqê ku rizîbûn û xerabûnê dest pê kiriye û dest bi xwêkirinê kir. Niha xwêya li dijî xerakirinê jî êdî bêhn dide û genî bûye. Ji ber vê yekê êdî nikare bi tasfiyekirin û îstîfakirinan rê li pêş rizûbûnê bigire."

HEMÛ BI YEK NEXWEŞIYÊ KETINE

Firat, destnîşan kir ku wekî îstîfayê nîşan dide, lê di rastiya xwe de ev ne îstîfa ye û wiha got: "Ev ne îstîfa ye. Ev fesihkirin e. AKP kesan fesih nake dide fesihkirin. Dibêje 'An îstîfayên xwe bidin an jî em dê we fesih bikin. Em naxwazin bi rûmeta we bilîzin" û gefan li wan dixwin. Îstîfayên li bajarên Rojhilat têkildarî vê yekê ne. Li Stenbol û bajarên rojava jî gelek kes hatin fesihkirin. Yanî nikarin yên nû bibinin. Ji ber ku hemû bi heman nexweyiyê ne. Nexweşiya tevan yek e. Hemû bi nexweşikê ketine û riziya ne."

Firat, anî ziman ku dema mirov zêde li îktîdarê dimîne bi xwe re rizînekê ava dike û wiha got: "Ji ber ku li wir hêz, nelirêtî, bê ûsûlî heye. Ev hêdî hêdî li jêr jî belav dibe. Ev berhemên 12'ê Îlonê yê Zagona hilbijartinê ya Partiyên Siyasî ye. Ji sedî 10'ê bingeha AKP’ê niha ne li cem AKP'ê ye. Naçin partiyek din jî. Ev hêjmagerek gelek mezin e.

'HETA ZAGONA HILBIJARTINÊ NEYÊ GUHERTIN DEMOKRATÎKBÛN NABE'

Firat, da zanîn ku heta zagona hilbijartinê ya partiyên siyasî neyê guhertin demokratîkbûn çênabe û wiha got: "Niha di nava vê yekê de CHP, MHP jî heye. Heta HDP jî di navdeye. CHP demokratik nabe. Azadiyê naxwaze. Meşa Edaletê jî tenê ji bo parlamenterê xwe meşiyan. Berê tevî ku li dijî Qanîna Bingehîn bû jî destnedayîn ji bo HDP’iyan rakir. Lê piştre ev destnedayina HDP’ê li wan vegeriya. Siyaset wekî guleyê ye. Dema gule ji lûleya tifingê derket paşve venagere. Li pey xwe şopekê dihêle."

KAOS DÊ KÛR BIBE

Firat, li ser peşeroja Tirkiye jî axivî û da zanîn ku xuya dike ku Tirkiye bêtir ber bi kaosê ve diçe û ev ji bo pêşeroja Tirkiye ne geş e. Firat, anî ziman ku Erdogan nikare li benda 2019'an raweste û wiha got: "Ez bawer nakim ku bigêje 2019’an. Ez bawer dikim ku beriya 2019'an hilbijartina pêşwext pêk bê. Tundî û zext çareseriyê bi xwe re nîne. Divê bêtir azadî û demokrasî pêş bikeve. Niha Tirkiye êdî ji demokratîkbûnê derketiye. Êdî têkiliyên bi Ewropa re ji kirasê xwe derketiye. Zimanê diplomasiyê xera bûye. Niha tenê di destê me de Îran, Rusya ku em nizanin sibê çi bîne serê me û Katar di destê me de maye. Ji bilî wê welatê ku em bi wan re îtifaqê pêk bînin tune
Niha Partiya Bilindkirin û Edaletê nema ye. Tenê navê wê maye. Di xala 4'an a bernameya AKP'ê de tişta hatiye nivîsandin dijberî wê tê kirin. Ez gelek wekîl û rêveberên AKP'ê êdî nas nakim. Ez ji 2002'an heta 2008'an yemek alîkarê Serokatiya Karên Siyasî bûm. Min hemû teşkîlat baş nas dikir. Lê niha ez yekî-ê jî ji wan nas nakim."

Firat, daxuyaniyên Erdogan ên li hemberî Kurden Rojava jî wiha got "Gelê Suriye şer dike. Gelê Iraqê şer kir û qanûnek nû ava kir. Vê qanûna bingehîn referandum jî qebûl kir. Tevlêbûna me ya karê Sûriye û Iraqê dagirkerî ye. Tu mafê me tune em tev li karê wan ê navxweşî bibin. Ger ku em tev li karê wan bibin em dê kurdên li Tirkiye rencîde bikin û wan bi eşinin.