AMED – Polîsan taxên Alîpaşa û Lalebey ên Sûrê bi bariyeran dorpêç kirin û bi darê zorê malan vale dike.

Wêrankirina taxên Alîpaşa û Lalebey ên naveçeyên Sûrê ya Amedê dibin navê “veguherîna bajarvaniyê” de didome. Beşek mezin a her du taxan hat xerakirin. Niha jî malên kesên li dijî wêrankirinê li ber xwe didin, tên xerakirin. Polîsan serê sibê her du taxên ku tên xerakirin bi bariyeran dorpêç kirin û welatiyên ku malên xwe neterikandin bi darê zorê ji malên wan derdixin. Welatiyên her du taxên di dorpêça polîsên hêzên Çevîk û TOMA de, li dijî xirakirinê li ber xwe didin. Welatiyên ku destûr nayê dayîn bikevin malên xwe, hewldidin di navbera hêsinên herikînên ceyran re bikevin malên xwe. Hat diyar kirin ku Walîtiya Amedê ferman daye tax bên dorpêç kirin û welatî bi zorê ji malên wan bên derxistin.