ENQERE – Hevserokê Giştî yê HDP’ê Selahattîn Demîrtaş, peyama sersaxiyê ya ji bo pêşengê Tevgera Şoreşgerên Tirkiyeyê Bulent Uluer şand û diyar kir ku ew bi rêzdarî bejna xwe li ber têkoşîna wî ditewîn e.

Hevserokê Giştî yê Partiya Demokratîk a Gelan (HDP) Selahattîn Demîrtaş, ji Girtîgeha Tîpa F a Edîrneyê, ji bo pêşengê Federasyona Komeleyên Ciwanên Şoreşger (Dev-Genç) Bulent Uluer peyama sersaxiyê şand. Demîrtaş diyar kir ku windakirina Bulent Uluer ku bûbû sembola Tevgera Şoreşgerên Tirkiyeyê bi xemgînî fêr bû û wiha got: “Weke wî ji gotî ‘ji her mirovekê yek heye.’ Uluer ê herî binirx bû. Bi vê boneyê ez sersaxî ji dost, rêheval û malbata wî re dixwazim. Bi rêzdarî bejna xwe li ber bîranîn û têkoşîna wî ditewînim.”