ENQERE - Hevserokê Giştî yê HDP'ê Selahattîn Demîrtaş, bal kişand ser dernexistina xwe ya dadgehê û ev pirs ji Wezareta Edaletê kir: "Ew kesên li rojê kî/kê ne ku fermana kelepçeyê didin."

Hevserokê Giştî yê Partiya Demokratîk a Gelan (HDP) Selahattîn Demîrtaş 10 meh e li Girtîgeha Tîpa F a Edîrneyê tê girtin û her carê ji ber ku dixwazin Demîrtaş bi kelepçeyê bînin dadgehê, Demîrtaş vê yekê red dike û doza der barê wî de tê taloqkirin. Demîrtaş ji Wezareta Edaletê û Serokê Meclisê re du daxwaznameyên cuda nivîsî û xwest ku bêhiqûqiya di girtinê de, hêj bi kelepçeyê birina dadgeh û nexweşxaneyê û ji bo parastina mafên siyasî û qanûnî bikevin nav hewldanan.

Demîrtaş di daxwaznameya 6 rûpelî de bi rêya girtîgehê şand û ev tişt got: "Ez wekî kesekî ku dengê 6 milyon hilbijêrî min girtiye, wekî Hevserokê Giştî yê Partiya Demokratîk a Gelan ku koma wê di TBMM'ê de heye, hem jî li gorî hejmara 2709 s. a Makeqanûnê û xala 80'emîn, ez kesekî ku gel temsîl dikim û parlamenter im, ez dixwazim ku Serokê Edaletê yê Komara Tirkiyeyê bala xwe bide van mijaran."