STENBOL - Pêşengê Federasyona Komeleyên Ciwanên Şoreşger (Dev-Genç) Bulent Uluer yê li nexweşxaneya lê dihat dermankirin jiyana xwe ji dest da. Malbatê piştî cenazeyê Uluer, wergirt, bi girseyî defin kirin.

Pêşengê Federasyona Komeleyên Ciwanên Şoreşger (Dev-Genç) Bulent Uluer, 2 roj berê li nexweşxaneya lê dihat dermankirin jiyana xwe ji dest da. Malbatê cenazeyê Uluer ji nexweşxaneyê wergirt û bi girseyî defin kirin. Cenaze ji aliyê sedan kesan ve hat wergirtin û piştî îbadeta olî cenazeyê Uluer li Goristana Karacaahmetê hat defin kirin. Hevseroka Giştî ya HDP'ê Serpil Kemalbay, Berdevkê HDP'ê Osman Baydemir, Parlamenterên HDP'ê Garo Paylan, Ertugrul Kurkçu, Filiz Kerestecioglu, Parlamenterê CHP'ê Sezgin Tanrıkulu, Berdevkên HDK'ê Onur Hamzaoglu û Gulistan Kiliç Koçyigit, endamên Dev-Gençê ji di navde bi sedan kes amade bûn. Di merasima cenaze de girsê bê navber siloganên "Şehîdên şoreşê nemir in", "Bijî şoreş û sosyalizm" û "Bulent Uluer nemir e" berz kirin.

Biraye Uluer Seyfi Ongider, diyar kir ku birayê wî ji bo cîhanek hînbaştir, aramtir û azadtir têkoşiya. Parlamenterê HDP'ê yê Îzmirê Ertugrul Kurkçu, diyar kir ku ew dê Tevgera Şoreşê ya Uluer li çar aliyê Tirkiye û Kurdistanê belav bikin û mezin bikin. Merasima cenaze bi çepikan bi dawî bû.