dihaber ku li dijî OHAL û KHK’yan bi hişyariya “Rastî di dariyê de naminin” di 14’ê Tîrmehê de 2016’an de dest bi weşanê kir, şev nîvê şevê di tariya 25’ê Tabaxa 2017’an de bi hêjmara 693’an a KHK’ê hat girtin. Îktîdara ku bi rejîma OHAL û KHK’ê hebûna xwe berdewam dike, tenê 9 mehan li hemberî hewldanên dihaber ya rastiya ronî dike di ber xwe da. Di vê pêvajoya 9 mehan de sîteya înternetê dihaber 15 caran hat astengkirin. Nûçegîhanê dîhaberê hatin binçavkirin û girtin. Kamerayen wan hatin desteserkirin. Tevî hemû zext û astengiyên îktîdarê yên bi KHK û OHAL’ê derxistin pêş dihaberê, kevneşopiya çapemeniya azad berdewa kir. Tu carî tawîz ji kevneşopiya çapemeniya azad neda.

Dîhaberê rojnamegeriya rastîn û sincê çapemeniya azad li dijî pîşeya ku bi deste îktîdarê ket halê “îtîrafkarî-îftîrakarî, tetîkêşî û raconwarî” û ji rastiya xwe dûr ket parast û pêş xist. Dîhaber ku bû denge rastiyê, saet di 05.00’an de peyam hat ku hatiye girtin. Peyama “Em naxwazin hûn rastiyan binivîsin. Em bêzarin ku hûn heqiqetê ronî bikin û bi raya gişti re parve bikin dan.”
dihaber, ji roja hat avakirin heta niha îmze avêt bin rojevên girîng û rojev ava kir. Di 21’ê Adara 2017’an de derewa “Bombeya zindî xwest Newrozê di nava xwînê de bihêle” pûç kir û bi wêneyê kêlî bi kêlî kuştina ciwanê 23 salî Kemal Kurkut ku got “Ez hatim înfazkirin” bi objektîfê dihaberê ronî bû. dîhaberê ev rastî li cîhanê belav kir. 8 wêneyê kuştina Kurkut, hemû rastî ronî kir û daxuyaniyên Walî pûç kirin. Ji ber ku nûçegîhanê me ev wêne kişand,polîsan bi ser mala wî de girt.
Dihaber, li ser sînorê Sûriye rastiya şer şopand û liv û tevgera komên şer xist bin mercekê, rastiya kampên AFAD’ê ku çawa fihûş tê kirin ronî kir, hemû binpêkirina mafan yek bi yek ronî kir. Ji ber dihaberê ev rastî ronî kir, nûçegîhanê dîhaberê Erdogan Alayumat kirin hedef û girtin.
Dîsa rastiya îşkenceya li gunde Xerabê Bava û Telatê li welatiyan hat kirin bi cîhane re parve kir.
Li gundê Şapatanê zêdeyî 100 gundî li qada gund rastî îşkenceyê hatin. Li Westanê midûriyeta polîsan li welatiyan îşkence kir û got “teroristên amadakariya çalakiyan dikir hatin girtin” welatî binçav kirin û îşkenceya giran li wan kir. Derket holê ku yên rastî îşkenceyê hatine welatiyên kîvarkan kom dikin û şivanên günde herêmê ne. Hemû geşedanên mafên mirovan binpê dike yekem car ji aliye dihaerê ve hat parvekirin û aşkerekirin.

Kuştina 3 zarokên di 4’ê Gulanê de li navçeya sîlopya ya Şirnexê ku bi panzera ket hundir hatin kuştin jî dîsa yekem car ji aliyê dihaberê ve hat parvekirin.

Xerakirina peykerê Ehmedê Xanî, bîrdariya Roboskî, peykerê Orhan Dogan, rakirina navê Tahir Elçî, hatin xerakirin û navê wan hat guhertin.Gelek nûçeyên ku bûn rojev û rojev belav kirin kirin manşet û rastî ronî kir.

Rastiya penaberên di kampên AFAD’ê de penaberên ji şerê Sûrî reviyane û geşedanên li Reqqa roj bi roj bi cihanê re parve kir.

dihaberê herî dawî rastiya polise diz yê li Manisa bi ser malekê de girt û pereyên wan dizî aşkere kir û ronî kir. Dinamitkirina Heskîfê, xerakirina Sûrê, şewata daristanan ji nêzîk ve şopand û bi raya gişti re parve kir.
Dihaberê di vê pêvajoyê de bi sedan rasti ronî kir û derxist ser ruyê erdê. Piştî serokê dadgehê ji rojnamegerên kurd re got,“we deme ajansê biguherinin” em bûn hedef. Ji ber ku dîhaber ji roja dest bi weşanê kir û heta niha li gorî pivanên rojnamegeriyê û rêgeza gerdûnî tev geriya. Li şuna regezên OHAL’ê pîvanê rojnamegeriya gerdûnî esas girt. Ji ber vê yeke dihaber hat girtin. Lê rojnameger dê di çarçoveya pîvanên rojnamegeriya azad û cerebeyên xwe kevneşopiya xwe berdewam bike. Dirûşma “Rastî di tariyêde namîne” dê bi biryarek hêj geştir û xurttir berdewam bike.