AMED - Amedsporê li qada xwe bi gola Yusuf Yagmur, 1-0 Pendîksporê têk bir û di riya şampiyonayê de gaveke din jî pêş ve çû.

Di hefteya 32'yemîn a Koma Spî ya Lîga 2'yemîn a Spor Totoyê de, Amedspor li Kopleksa Sporê ya Seyrantepeyê Pendîksporê têk bir. Amedspor a ku bi armanca serketinê daket qadê, di demeke kurt de kontrola maçê bi dest xist. Ji ber Amedsporê, li qada lîstikê ya tîma hember, pozîsyonên golan baş bi kar neanî, nîveka maçê wekhev bi dawî bû.

Amedspor a ku bi pîspîska hakem Ferhan kestanlioglu, bi awayekî lez û bez dest bi nîveka duyemîn a maçê kir, di deqîqeya 62'yemîn de penaltiyek bi dest xist. Ji Amedsporê, lîstikvan Yusuf Yagmur penaltî bi kar anî. Bi penaltiyê re Amedspor 1-0 ket pêşiya Pendîksporê. Di dema mayîn a maçê de wekî din gol çênebûn. Amedspor, bi vê gola Yagmur 3 puan bi dest xistin.

Di rêza yekemîn a lîgê de Îstanbolspor heye û bi du puanan li pêş Amedsporê ye. Dê hefteya bê Amedsporê li deplasmanê bi HacettepeSproê re bilîze.