ROJANE

* Cotkarên Amedê debara xwe bi çandiniya genim, ceh, pembû, garis, nok û niskan dike. Lê ji ber lêçûn ji hatinê zêdetir e çotkar zerar dikin û deyndar dibin. Cotkarên ku sala par kîloya genim bi 97 krş difirotin, îsal bi 80 krş difiroşin Yên kîloya nîskan bi 3.70 tl difirotin isal bi 1.90 tl difroşin.

*Sûrên Cizîrê yên xwedî paşerojeke 6 hezar salan ku malovaniya şaristaniyên Gûtî, Med, Pers, Roma, Sasanî, Ebbasî, Merwaniyan kirine, ji ber avaniya 50 salên dawî hema bêje hatin binaxkirin.

*Hevberdevkê Platforma Ji Rûxandina Sûrê Re Na Talat Çetînkaya, der barê rewşa dawî ya rûxandina Sûrê de agahî dan. Çetînkaya, got ku herî zêde Taxa Alîpaşayê tê rûxandin û heta niha ji sedî 80'yê taxê hatiye rûxandin. Her wiha dê di rojên pêş de Platforma Sûrê heyetekê bişîne Ewropayê û dê hewl bide ku heyeteke ji Ewropayê jî bê û Sûrê raçav bike.

*Aqûbeta 50 êzîdiyên ku Kampa AFAD’ê ya Midyadê biryar daye ku wan ji kampê derxîne hê jî nediyar e. AFAD’ê pêşî ji bo nûkirina qeydên wan doza daxwaznameyan kir, lê belê niha jî ji êzîdiyan re dibêje: “Me daxwaznameyên we şandine Enqereyê, hîn bersiv nehatiye dayîn."

* HDP dê Nobeta Wicdan û Edaletê ya li Parka Yogurtçu di roja 6'emîn de berdewam bike. Dê Peyama Heverokê Giştî yê HDP'ê Selahattin Demirtaş bê xwendin. (08.00-11.00-18.00)

POLÎTÎKA

*Serokwekîla Koma HDP'ê Fîlîz Kerestecîoglû, Nobeta Wijdan û Edaletê ku dê îro li Parka Yogûrtçûyê bi dawî bibe nirxand û wiha got: "Stenbolê piştevaniyeke xweş kir. Wisa difikirim ku dê Wan jî heman piştevaniyê bike. Divê em destkeftiyên xwe têxin ser hev."

EKOLOJÎ

*Ekolojîst Ertûgrûl Barka, îhaleya YEKA ya Wezareta Enerjî û Çavkaniyên Xwezayî nirxand. Barka, got ku projeyên ku wek enerjiyên paqij tên berpêşkirin, dê ji bo hilberandina enrejiyeke qirêjtir bên bikaranîn.

JIN

*Jinan li hemberî êrîşên ku bi bahenyên wek "şort li xwe kirine, vekirî li xwe dikin, cixareyê dikêşin" li jinan tên kirin bertek nîşan dan û wiha gotin: "Em jin ne bi tenê ne. Heta ku ceza li êrîşkaran neyê birîn dê têkoşîna me berdewam be."

*Li Edeneyê dema salçeçêkirinê dest pê kir. Jin bi makîneyan hem ji bo malê û hem jî ji bo debara malbatê salçeyê çêdikin û difiroşin.

JÎNGEHA KEDÊ

*Nûnerê Herêma Çûkûrovayê yê Sendîkaya Karkerên Tekstîlê yên Şoreşger (DEV-Tekstîl) Ahmet Sûbaşi, Herêma Pîşesaziyê ya Serbest a Mêrsînê wek "Herêma Kedxwarî ya Serbest a Mêrsînê" bi nav kir û got ku, rayedarên fîrmayê ne li karkeran li koleyan digerin.