ROJANE

*Rêbêrê Rûhanî yê Dêra Protestan ê Amedê Ahmet Gorener hilweşandina Sûrê rexne kir û wiha got: “Bi dîrokê re bawerî jî tê tunekirin. Ev pêkanîn û polîtîkaya hilweşandinê, pişaftin û talankirinê ya çar pênc salan nîne. Bi salane em bi cudakariya ol û netewan re rû bi rû ne.”

* Serokê Şaxa Egîtîm Sen'e ya Denîzliyê Mehmet Dede, diyar kir ku hikûmet xwendekarên Sûriyeyî ku ji ber şer hatine Tirkiye wan di lîseyen Îmam Hatîpê de bi cih dikin.
Dede, anî ziman ku di encama polîtîkayên hikûmetê de xwendekarên Suriyeyî tên îstîsmarkirin.

* Serokê Komîsyona Girtîgehan a Baroya Edeneye Prz. Tugay Bek, bertek nîşanî pêşniyara Serokê AKP'ê Tayyip Erdogan a "cilên yek reng" da û wiha got: "Îktîdar bi van zextên li dijî girtiyan ên cilên yek reng û yek tîp lîstikên talûke dilîze. Ev jî cureyekî îşkenceyê ye û nayê qebûlkirin."

* Parlamenterê HDP'ê yê Qersê Ayhan Bilgen, ku dozger 25.5 sal cezayê girtîgehê jê dixwaze piştî 7 mehan yekem car derdikeve pêşberî dadgehê.

*Qeyûmê Şaredariya Bajarê Mezin a Amedê biryar da ku hemû kartên rêwitiya otobusan a bê pere were betalkirin. Li ser vê biryara Qeyûmê kartên astengdaran ên ji Wezareta Polîtikayên Civakî û Malbatê dabûn jî hatin betalkirin.

* 6 siyasetmedarê kurd ku 17 meh berê li Êlihe hatin girtin, tevî ku dozger 4 caran der barê wan de îdîaname amade kir jî heyeta dadgehê bi sedema "Nava wê vala ye" îdîanameyan qebûl nake. Siyasetmedarê kurd Şukru Aslan, bertek nîşanî vê rewşê da û diyar kir ku ev rastiya daraza tirk nîşan dide.

* Girtiyên girtîgeha Hêjmar 9 a Sîlîvrî, binpêkirina mafên mirovan a li girtîgehê kirin rapor. Girtiyan diyar kirin ku ji êrîşên fîzîkî heta astengiyên ragihandin, name, telefon pirtûk û ziyaretan îhlal li ser îhlalê pêk tê û ji îhlalan nikarin tev bigerin.

* Rûniştina doza Hevşaredarên Wêranşar Emrullah Cin, Hewagê Zeynel Taş û Pirsûsê Halil Akbaş dê li 5'emîn Dadgeha Cezayên Giran a Rihayê bê dîtin. (10.00)

* Şaxa ÎHD'ê ya Stenbolê dê ji bo Nuriye Gulmen û Semih Ozakça û binçavkirina 43 kesan a li Beşiktaşê li komeleya xwe daxuyaniyê bide çapemeniyê (12.30)

* Çalakiya Kolana Yukselê dê di roja 272’an de berdewam bike. (13.30-18.00)

JIN

* Jinên bi armanca dijberî tundiya jinan a zayendî têdikoşin, li rê û rêbazên xweparastinê digerin. Jinan li dijî êrîşên zayendî bi Intrepît ku Manisha Mohan pêş xistiye armanc dikin ku jinan ji êrîşen tundiya zayendi biparêzin.

ABORÎ

*Çandiniyên liser 80 hezar dolim zeviyên deşta Kovanciyan a di navbera Çeme Muradê û Çemê Periyê de dîmîne, ji ber bêaviyê hişk bû. Piştî DSÎ av ji ser çandiniyê qut kir hemû çandinî hişk bûn.