ROJANE

* Fermana Wezareta Dadê ya "Qedexekirina peywira parastinê ya parêzeran" a berê li Grava Îmraliyê di meriyetê de bû, niha li girtîgehên din jî belav dikin. Ev qedexeya ku berê gelek caran li ser parêzerên Ocalan pêk anîn, niha dixwazin li girtîgehên din belav bikin. Parêzerên Rêberê PKK'ê Abdullah Ocalan heta niha 678 caran serlêdan kirin û serlêdan hatin redkirin.

* Malbata Hakan Arslan ê li navçeya Sûrê di şerê 104 rojan berdewam kir de jiyana xwe ji dest da û li nava Sûrê hat definkirin, 20 mehin li pey cenaze ne. Malbata Arslan 571 rojin serî li dozgeriyê daye, lê hêj cenazeyê kurê xwe wernegirtine. Malbata Arslan banga piştevaniyê kir û wiha got: "Heta ku em li Sûrê cenazeyê xwe yê dawî bigirin têkoşîna me dê bitome."

* Tuna Atalay ku piştî darbeya 12'ê Îlona 1980'an hat girtin û li dijî polîtîkaya cilên yek rengî di ber xwe da, bal kişand ser polîtîkayên niha ku dîsa dixwazin cilên yek reng li ser girtiyan ferz bikin û wiha got: "Îktîdara siyasî ya îro polîtîkayên serdema 12'ê Îlonê bi rêbazek din dixe meriyetê û girtiyên siyasî bê nasname bihêle. Girtiyan di serdema cuntaya leşkerî de di ber xwe dan, niha jî dê di ber xwe bidin.

* Karkera di şîrketa taybet a xizemta cîhazên POS dike de dixebetî Nesîbe Karakaya, bi hinceta komkujî şermezar kiriye, di 2'emin salvegera Komkiya Pirsûsê de ji kar hat dûrxistin.

*Rûniştina doza Hevşaredara Bajarê Mezin a Amedê Gultan Kişanak û Hevseroka Giştî ya DBP'ê Sebahat Tuncel a berê dê di 15'ê Tebaxê de bê dîtin. Endama Înîsiyatifa Tekşîna Jinan Nayê Darizandin Nimet Tanrikulu, bang li her kesî kir ku tev li rûniştina doza Kişanak û Tuncel bibin.

* Li Tirkiye piştî OHAL hat ilankirin zextên keyfî û binpêkirina mafan zêde bû. Li taxên kurdan ên Edeneyê polîs bi keyfî mirovan radiwestîne û wan bêzar dike. Di bin navê "Operasyonên aramiyê" de îşkence li mirovan dikin û tundî zêde kirine. Welatiyan diyar kirin ku polîs di saetên şevê de tên li taxên wan digerin û gefa "Hûn terorîst in. Dor dê bê we jî" li wan dixwin û keyfî nasnameyên wan di GBT'ê de derbas dikin.

* Rêxistina DBP'ê ya Amedê dê li salona Vedat Aydin ya li DBP'ê cîvîna gel pêk bîne. (13.00)

* Nobeta Wîcdan û Edaletê ya HDP'ê ku li Parka Aştiyê ya Musa Anter di roja 7'an de didome. (11.00-18.00)

* Kedkarên ku ji bo li karê xwe vegerin û piştgiriyê bidin Nuriye Gulmen û Semih Ozakça yên 159 rojin di greva birçîbûnê dene dê di roja 259'an de çalakiya Kolana Yukselê berdewam bikin. (13.30-18.00)

CIWAN

* Nobeta Wîcdan û Edaletê ya HDP'ê dê di 15'ê Tebaxê de li qada Gundogdu ya Îzmirê berdewam bike. Ciwanan diyar kirin ku ew dê bi hezek mezin nobetê pêşwazî bikin û dê reng û mohra xwe li nobetê bixin.

EKOLOJÎ

* Aktivîstên Ekolojîst têkildarî şewata li herêmê ku dom dike de axivîn û diyar kirin ku bi şewatê dixwazin cezayê topyekum pêk bînin. Serokê Şaxa ÎHD’a Amedê Racî Bîlîcî anî ziman ku divê dimildest mudaxileyê şewatê bê kirin.