ROJANE

*Hewldanên der barê yekîtiya netewî ya kurd heycan û peroşiyek li niştecihên gundê Baleka yê Colemêrgê peyda kir. Gundiyan, bi bîr xist ku ji bo berdewamiya destkeftiyên heyî pêdivî bi yekîtiyê heye û wiha gotin: "Dê bi yekîtiyê biratî, bedewî û aramî çêbibe."

*Nûrittînê qamişloyî ku ji ber şerê li Rojhilata Navîn ji neçarî reviya, bi firotina cemedê debara xwe dike. Nûrittîn, anî ziman ku ew bi hesreta welatê xwe ye û bi şev warê xwe di xewn û xeyalên xwe de dibîne.

*Ev 3 roj in ku ceryan û ava li taxên Alîpaşa û Lalebeyê hatine birîn. Şêniyên taxê dest nîşan kirin ku ji ber nebûna avê ew perîşan bûne û ji bo destnimêjê ew avê ji dêrê tînin.

*Samiye Ektî (77) di 25’ê îlona 2016’an de li gundê Helhelê yê bi ser navçeya Hezroyê ve ye hatibû binçavkirin û paşê serbest hatibû berdan. Nêzî salekê ye ku lêpirsîna der barê Ektiyê de didomiya û taliyê doz bi cezayê pereyî bi encam bû. 5 hezar 500 lîre li Ektiyê hat birîn, lê belê heke Ektî vî pereyî ranezîne dê bikeve girtîgehê.

* Rûniştina doza Murat Aksoy û Atilla Taş jî di navde 13 rojnamegeran dê li 25'emîn Dadgeha Cezayên Giran a Stenbolê bê dîtin (10.00)

* Şaxa Odeya Endezyarên Makîneyan, dê bi minasebeta salvegera erdheja Marmara dê rapora der barê erdhejê de bi daxuyaniya çapemeniyê bi raya giştî parve bike. (11.00)

* Navenda Giştî ya Partiya Herêmên Demokratîk (DBP), dê der barê binçavkirn û girtinên dawî de li avahiya navenda giştî daxuyaniyê bide çapemeniyê. (11.00)

* Çalakiya ji bo piştgiriya Nuriye Gulmen û Semih Ozakça û bi daxwaza "Em karê xwe paşve dixwazin" dê çalakiya xwe di roja 281'an de li kolana Yukselê berdewam bikin. (13.30-18.00)

JIN

*Pirtûka “Cinsiyetçiligin Yaratimi - Çalinan Ozgurluk” a Nivîskar Gulazer Akin ji Weşanên Aramê derket. Akin, di vê pirtûka xwe de rê li ber nîqaşa zayendîbûyînê vedike.

*Amediyan li hemberî pêşnûmaya ku rayeya marbirînê dide miftîtiyan bertek nîşan dan.

ÇAND Û HUNER

*Muzîkjen-helbestvan Tunay Bozyigit, anî ziman ku li Tirkiyeyê faşîzm xwe bi rêxistin dike û naveroka hunerê tê valakirin. Bozyigit wiha got: "Heke hunermend bêdeng bimîne, dê civak jî bêdeng bibe û em bêdeng man."

ABORÎ

*Ji Cejna Qurbanê re 2 hefte man. Ji niha ve heywanên qurbanê û firoşkar li bazaran cihê xwe girtin. Kirîgerên li bazara qurbanan a gundê Muhyeyê ji ber buhayên qurbanan û firoşkar jî ji ber nebûna kirîgeran gilîdar in.