ROJAN

* Welatiyê bi navê Cemîl Kirbayir di derbeya 12'ê Îlonê de hat windakirin, doza ku li DMME'yê berdewam dike, Wezareta Edaletê ya ku li ser navê hikumetê parastinê dike xwest dosyayê bigire. Wezareta ku mirina Dayika Berfo wekî derfetekê dît, îdia kir ku malbatê dest ji dozê berda ye.

*Rêya bejahiyî ya Ebex-Bazîdî bi mehan e girtiye û ji ber vê êdî esnaf hatine wê asta ku derabeyên xwe deynin. Ji ber ku rê girtiye esnaf nikarin mal bînin û ji bo biçin Bazîda ku 70 kîlometre dûrî wan e, ji neçarî 300 kîlometre rê diçin.

*Malbata Zehra Orûç ku li Sûrê jiyana xwe ji dest da, doza cenazeyê keça xwe dike û ji bo vê yekê tim serî li muduriyeta polîsan û dozgeriyê dide. Dayik Bezo Orûç wiha got: "Ne wêneyê keça xwe, dixwazim gora keça xwe himbêz bikim."

*Zarokên ku dema li ber erbaneyê stran digotin û hatin binçavkirin, anîn ziman ku ew heta serê sibehê li qereqola polîsan di nezaretxaneyê de mane û ji bo careke din ew stranên siyasî nebêjin polîsan gef li wan xwariye.

*Li Sûrê rûxandina ku di bin navê "veguherîna bajêr" de tê kirin, di nezareta polîsên çewîkê de didome.

*Ergîn Aktaş li gel ku her du milên wî tune ne jî bi salane li girtîgehê tê ragirtin. Parêzera Aktaş, Gulîzar Tuncer dest nîşan kir ku heyeta CPT’iyê di serdana xwe ya dawî de bi bi muwekîlê wê re jî hevdîtin çêkiriye û piştî hevdîtinê rewşa wî girantir bûye.

* PLatforma Şaxan a KESK'ê ya Îzmirê dê têkildarî TİS'ê ya dinavbera Hikûmet û Memûr Sen'ê de dê li Konakê şermezar bike. (12.30)


POLÎTÎKA

* Endamê Komîsyona Meclîsa Karên Derve Parlamenterê HDP’ê Ziya Pîr qeyranên di navbera welatên Ewropa û Tirkiyê yên di demên dawî de nirxand û got: “Erdogan li hundir û li derve polîtîkaya dijmanahiyê dide meşandin. Dê Erdogan nikaribe xwe ji vê polîtîkaya şaş rizgar bike.”

JIN

*Gulcihan Şimşek, der barê çalakiyên TJA'yê de axivî. Şimşek got ku dê jin di meha Îlonê de dakevin kuçeyan û dê di şert û mercên OHAL'ê de têkoşîna rêxistinbûyî bilind bikin.

*Berdevka Meclîsa Jinan a HDP'ê Dilan Dirayet Taşdemir wiha got: "Ji bo rawestandin û teşhîrkirina taciz, tecawiz, îstismarkirina zarokan û polîtîkayên ku li ser bedena jinê tên birêvebirin me ev kampanya da destpêkirin." Taşdemir, got ku dê çalakiyên wan heta 25'ê Mijdarê bidomin.

ÇAND Û HUNER

*Nîqaşên der barê tirkîkirina stranên kurdî de didomin. Prof. Mustafa Erdogan ku Pisporê Muzîka Tirkî ya TRT û Muzîkên Yekdengî ya Modalê dike, di hevpeyvîneke xwe ya 2005'an de wiha gotibû: "Dokuma ku ji hejmara repertuara TRT'ê derketiye, ji sedî 40'ê berhemên hatine bestekirin di pergala deng û meqamên xwerû yên kurdî de û ji sedî 20 jê jî di rêzefîlmên Mezopotamyayê yên bi piranî li ser kurdan e hatine îcrakirin."

*Koma Muzîkê ya Şemiyê (Cumartesi Muzik Grubu) ku berxwedana Dayikên Şemiyê bandor li wan kiriye ji hêla jinan ve hat avakirin. Kom li her qadên ku ji gel re vekiriye distirê û dengê muzîka polîtîk li wir olan dide. Endama komê Ozgu Ozutok diyar kir ku ew bi riya muzîkê ji kesên hatine wêderkirin re dibin hêvî.

*Pirtûka bi navê "Çîroka Jinên Zapatîstî: Compeneras" (Compeneras: Zapatista Kadınlarının Hikayesi) xwe gihand ber destê xwendevanan. Pirtûk balê dikişîne ser têkoşîna azadiya jinên zapatîstî ya li dijî artêşa Meksîkayê û hevjînên wê.

ABORÎ

*Hilberînerên garis, diyarkirin ku îsal ji ber germa zêde berdariya garis ketiye. Hilberîneran got ku ew heta qirikê di nav deynan de ne û bi zirarê berên xwe difiroşin.

EKOLOJÎ

Şaredariya MHP'î û Qeymeqamê Alîaga biryar dan ku muzeya arkeolojik a Bajarê Antîk Kyme bikin qereqol.