REQQA – Zaroka 9 salî Fatma ya ji Reqqayê ku rastî zilma DAÎŞ’ê hat, her ku bûyera bi serê wê de hatiye tê bîra wê dibêje “Ez ji DAIŞ’ê nefret dikim.

Li gorî nûçeya nûçegîhana Ajansa Nuçeyan a Hawarê (ANHA) Warşîn Salih, zaroka 9 salî Fatma El-Himêd ku li Reqqayê ji bo derman ji birayê xwe yê biçûk re bîne, çû bazarê rastî DAIŞ`ê hat. DAIŞ çawa pora wê ya zer û dirêj ku çongên wê derbas dike dibînin, radiwestîn in û jê pirsa tu çima pora xwe venaşêrî û desmalê nadî serê xwe dikin? Fatma li gorî civaka ku tê de mezin bûyî, dibêje: “Hîna temenê min biçûke ku ez desmalê bidim serê xwe.”

PORÊ WÊ JÊDIKIN

DAIŞ li dû Fatma heya malê diçin. DAIŞ nasnameya bavê Fatma ji wî distînin û jê re dibêjin: “Heyanî em pora keça te nebirin, em nasnameya te nadin te.” DAIŞ’ê rûpoş ê pora Fatma bi hovîtî jêkir, qet ji bîra wê naçe.

JI DAIŞÊ NEFET DIKE

Fatma ya 9 salî dema DAIŞ’ê porê wê jêkir, ew pir tirsiya, destmal da serê xwe û kincên reş li xwe kirin. Fatma ya ku porê wê hatî jêkirin ji fediyan destmalê ji serê xwe danayne û dema bûyer tê bîra wê tenê dibêje: “Ez ji DAIŞ’ê nefret dikim.” Piştî DAIŞ Reqqayê dagir dikir, êdî Fatma nikarî biçe dibistanê jî û mîna hemû zarokê reqqayî ji xwendin û nivîsandinê jî bêpar hat hiştin.

JI ŞERVANAN HEZ DIKE

Piştî QSD`ê Fatma û malbata wê ji DAIŞ`ê rizgar kirin, rûyê wê geş bû û wiha axivî: “Ez ji şervanan hezdikim. DAIŞ`ê ku Reqqayê dagir kirin, qanûn zarokên temenê wan bû 5 salî divê serê xwe binuximîn, li ser jinan ferz dike."