NAVENDA NÛÇEYAN- Pirtûka “Cinsiyetçiligin Yaratimi - Çalinan Ozgurluk” a Nivîskar Gulazer Akin ji Weşanên Aramê derket. Akin, di vê pirtûka xwe de rê li ber nîqaşa zayendîbûyînê vedike.

Pirtûka “Cinsiyetçiligin Yaratimi - Çalinan Ozgurluk” (Afirîna Zayendîbûyînê-Azadiya Hatiye Dizîn) ku di warê pirsgirêka jinê de di wesfê çavkaniyê de ye ji Weşanên Aramê derket.

Akin di pirtûka xwe de pirsên wek "Jin-mêranî çî ye, jin kî ye, weziyeta wê ya li xwezayê çî ye? Mêr kengî û li kuderê jiyan dagir kir? Qey jin li ser navê civaka dêxwaz ji nû ve nikarin can bidin jiyanê?" dibersivîne.

Nivîskar di pirtûkê de geşedaniya zayendîbûnî di bin sernavê "Xwedîtî, çanda jin-mêrtiyê, di dînên yekxwedayî de cihê jinê, di felsefe û zanistê de cihê jinê, di sosyalîzma marksît û sovyetê de cihê jinê, ehlaqê mêr, dijminahiya femînîzê" vedibêje.

Akin, di pirtûkê de hemû merhaleyên derketina zayendîbûyînê vedibêje û li hemberî vê di beşa "Di wesfa perspektîfê" de diyar dike ku riya rizgariyê bi pergaleke civakiyî ya cuda pêkan e.

GULAZER AKIN KÎ YE?

Akin, di sala 1975'an de li Exlata Bedlîsê hatiye dinyayê. Di sala 1993'an de tevlî tevgera azadiya kurd bûye û ji sala 1996'an ve di girtîgehê de ye. Niha Akin di Girtîgeha Gebzeyê de ye û ji bilî vê xebata wê berê bi navê "Tencerenin Dibi" romanek wê hatiye çapkirin.