MÊRSÎN - Jinên Mêrsînî bertek nîşanî pêşnûmeya ku destûrê dide muhfî mahrê bibire dan û diyar kirin ku ev destûr dê rê li pêş komkujiya zarok û jinan veke û gefê li jin û zarokên vî welatî dixwe.

Jinên Mêrsînî pêşnûmeya desturê dide ku muftîtî mahrê bibirin dan û destnîşan kir ku ev pêşnûma bê qebûl kirin û zagon dê rê li pêş dijminantiya jin û zarok vekirin.
Endama Jinên Pîrebokên Kampusê Şîlan Surmelî, diyar kir ku îktîdara AKP'ê ji bo dijminantiya jinê bike û êrîşî jinan bike zend û bendê xwe badide û wiha got: "Ji roja AKP hat ser îktîdarê heta niha di qada civakî de dest bi guhertinek li gorî xwe kir. Ev guhertin û avakirina pergalê hişmendiya AKP’ê ya mêr nîşan dide. Hemû politîka û xebatên AKP'ê yên der barê jinan de li ser hişmendiya baviksalariyê haıtine avakirin. Îktîdara AKP'ê mudaxaleyî qada jiyana jinê dike. Bi guhertina zagonan dixwaze rê li pêş hemû mudaxaleyên xwe veke."

'ZAGONÊN KU DIXWAZIN AVA BIKIN ARMANCA TUNEKIRINA MAFÊ JINAN E

Surmelî, destnîşan kir ku AKP bi armanca mafê hemû jinan ji destê wan bigire zagonan li gorî feraseta mêr saz dike û wiha berdewam kir: "Hikûmet dixwaze zewaca jinê û destûra marê têxe bin kontrola xwe. Ev pêşnûma û zagon nayê qebûlkirin. Îktîdar dixwaze ji lixwekirina jinê heta fikirandin û tevgera jinê her tiştî li gorî xşwe kontrol bike. Destûrdayina mahrê ya muftî û meleyan gefa herî mezin a li dijî jinan û zarokên jin in.

‘EM DÊ LI KOLANAN LI MAFÊ XWE BIGERIN'

Surmeli, da zanîn ku ew dê li hemberî vê yekê li kolanan li mafê xwe bigerin û têkoşîna xwe berdewam bikin. Surmelî ji hemû jinan xwest ku ne li malê li kolanan li mafê xwe bigerin û tev li têkoşina kolanan bibin.

DIVÊ HEMÛ JIN LI DIJÎ FERASETA AKP'Ê YA MÊR BIBIN YEK

Endama Piştevaniya Mor Sara Çalişkan jî anî ziman ku hikûmeta AKP'ê bi vê zagonê dixwaze dijminantiya li hemberî jin û zarokan pêş bixe û wiha got: "Em wekî jin dê li dijî van pêşnûmayên ku jinê wêde dike rawestin û têbikoşin. Destûra ku muftî mahê bibirin tê wateya ku temenê zewaca zarokan daxin 10 salî. Dixwazin bi vê zagonê, zagonên jinan tune bikin û hişmendiya mêr bi awayekî fermî serdest bikin. Em wekî jin berê me çawa mafê xwe parast, em dê niha jî li dijî îktidarê bibin yek û têkoşîna xwe berdewam bikin. Dievê hemû jin li dijî feraseta mêr a AKP'ê bibin yek û têbikoşin."

'AKP'ê LI DIJÎ JINAN ŞERÊ BÊDENG DIMEŞÎNE'

Endama Platforma Jinê ya Mersinê Zeynep Koyu jî anî ziman ku di bingeha hemû pirsgirêkên civakî de serdestiya mêr û neqebûlkirina mafê jinê heye û wiha got: "Ji roja AKP hatiye ser kar heta niha bi polîtîkayên paşverû, yobaz, dûrî zanistî û laiklikê li ser civakê ferz dike û dixe meriyetê. Hikûmeta AKP'ê dixwaze mafê jinê yê rewa ji holê rake û li şûna wan şerê bêdeng yê li dijî mafê jinê daye destpêkirin Li dijî vî şerê bêdeng çawa berê hemû rêxistinên jinan daketin qadan û mafê xwe parastin dê dîsa wisa dakevin qadan û mafê xwe biparêzin."

'ZAGON ZEWACA ZAROKAN REWA DIKE'

Koyu, herî dawî destnîşan kir ku îktîdar bi vê zagonê zewaca zarokan rewa dike û xwest hemû sazî, rêxistin û komeleyên jinan li dijî van pêşnûma û zagonên paşverû û yobaz li kolanan li mafê xwe bigerin û ji bo parastina mafê xwe têbikoşin û bibin yek.