STENBOL – TJA’yê starta kampanya “Tecrît wê winda bike, azadî wê biserkeve” da destpêkirin. Jinan wiha got: “Tecrîta li ser Brêz Ocalan tê meşandin teqez êrîşa li dijî têkoşîna azadiya jinê ye. Ji bo azadiya jinê em li dijî tecrîtê têkoşîna xwe mezin bikin.”

Tevgera Jinên Azad (TJA), bi boneya azadiya Rêberê PKK Abdullah Ocalan ku di bin tecrîta girankirî de ye li Stenbolê bi deklrasyonekê kampanya “Tecrît dê winda bike, azadî biserkeve” aşkere kir.

Daxuyanî li ber avahiya Rêxistina HDP’ê ya Stenbolê hat lidarxistin. Parlamenterên HDP’ê Dîlek Ocalan, Feleknas Uca û Saadet Becereklî, Hevberdevka HDK’ê Gulîstan Kiliç Koçyigît, Meclîsên Jinên HDP û HDK, Meclîsa Dayikên Aştiyê û gelek jin beşdarî civînê bûn.

Di çalakiyê de pankarta “Tecrît wê têk biçe, azadî wê biserkeve” hildan û bê navber dirûşmên “Bijî Serok Apo", "Bi can bi xwîn em te re ne Ey Serok” û “Dîsa dîsa serhildan Serokê me Ocalan” berz kirin.

'MIFTEYA AŞTIYÊ LI BA OCALAN E’

Di çalakiyê dew ewil Parlamenter Uca axivî û ev tişt got: “Brêz Ocalan bi komlopyê hat girtin. Îro 6 mîlyon û nîv mirov dibêje Serok Apo û wî wek Serok qebûl dike. 6 mîlyon û nîv mirov ji bo azadiya wî îmze avêtiye. Tecrîta îro li Îmraliyê li ser bi milyonan mirov tê meşandin. Her wiha ev tecrît li ser aştiyê tê meşandin. Em jin kampanyayê didin destpêkirin. Heta tecrîta Îmraliyê bê şikandin em ê nesekinin û xwedî li vîna xwe derbikevin. Em jî wek 6 mîlyon û nîv dibêjin ‘Ocalan vîna me ye.’ Mifteya aştiyê di destê Ocalan de ye.”

'OCALAN VÎNA ME YE SIYASÎ YE’

Piştî Uca, li ser navê jinan endama TJA’yê Sebahat Erdogan deklarasyon xwend. Erdogan bi van gotinan dest bi xwendina deklarasyonê kir: “Rêberê Gelê Kurd Brêz Abdullah Ocalan bi komployek navnewletî hat girtin. Sîstema îşkenceya 17 sale li Îmraliyê û bi taybetî jî di 2 salên dawî de tecrîta girankirî tê meşandin, encama spartina planek hêzên desthilatdariya navdewletî ya koletiyê ye ku li ser gelê kurd û gelên Rojhilata Navîn e.” Erdogan destnîşan kir ku şiyara “Hûn nikarin roja me tarî bikin” berxwedanek ji agire û dîrokek da destpêkirin. Erdogan wiha got: “Di pêvajoyên herî giran de 6 mîlyon û nîv gotiye ‘Rêberê Gelê Kurd Brêz Abdullah Ocalan vîna min e’ û daxwznameyên îmzeyan berhevkirin û dan meclîsê. Di çalakî û serhildanên bêhejmar de azadiya Rêberiyê hatiye daxwaz kirin.”

‘PLANA TÊKBIRINÊ JI ÎMRALIYÊ DEST PÊ KIR’

Erdogan da zanîn ku heta Rêbertiya gelekê di bin tecrît û êrîşên îmhayê de be ew gel nikare azad bibe û wiha domand: “Têkoşîna azadiyê dê li dijî koletî, dagirkirin, bêwekhevî û tecrîta girankirî dê bênavber didome û bidome. Ji ber ku saziya Serokatiyê, derbasî rêxistinbûna jiyana çand, polîtîka, felsefe û ramanê civakekê bûye. Dixwazin jiyana civakê bê Serokatî bihêlin. Têkçûna hikûmeta AKP’ê ewil bi plana têkbirinê li Îmraliyê daye destpêkirin.”

‘TECRÎT LI DIJÎ TÊKOŞÎNA JINAN E’

Erdogan anî ziman ku ji kuştinê bigire heta xerakirina bajêr û girtina siyasetmedarên gelê kurd bi OHAL û plana eciqandinê didome û dixwazin bi tecrîtê gelê kurd kole bikin û dîl bigirin. Erdogan diyar kir ku tecrît teqez li dijî azadiya jinê û destkeftiyên gelê kurd e û Ocalan ê ku şoreşa jinê li pêş xistiye hevrêbûna dîrokî ya jinê temsîl dike.

‘TECRÎT LI SER HEMÛ GELAN E’

Erdogan di dewama daxuyaniyê de wiha lê zêde kir: “Dixwazin bi tecrîtê tevgera jinê tasfiye bikin. Tecrît li dijî têkoşîna azadiya jinên Kurdistan û Rojhilata Navîn e. Bi tecrîtê dixwazin şoreşa Rojava û berxwedana Şengalê têk bibin. Bi OHAL û tecrîtê jî dixwazin hemû xebatên jinên Bakûrê Kurdistanê bigirin û tune bikin. Bê Serokatî dixwazin xeta rizgariya jinê tune bikin. Di vê çarçoveyê de dixwazin bi tecrîta li ser Rêberê Gelê Kurd Brêz Abdullah Ocalan û tecrîta li ser jinên kurd dorpêç bikin. Gelên herêmê, jin, ronakbîr, hêzên demokratîk û hemû jiyanên cuda di bin êrîşên tecrîtê de ne.”

‘TECRÎT WÊ WINDA BIKE AZADÎ WÊ BISER BIKEVE’

Erdogan bi van gotinan dawî li deklarasyonê anî: “Armanca faşîzmê ya sereke ew e ku hebûna kurdan tune bike û kûrkirina sîstema li Îmraliyê ye. Tekane rêya rizgariya ji faşîzmê azadî û rizgariya Brêz Ocalan e. Ji bo demokrasi, edalet, aştî, biratî û wekheviyê li dijî tecrîtê em li berxwe bidin. Têkoşîna li dijî faşîzmê têkoşîna li dijî tecrîtê ye. Em ê jiyana bê serokatî qet qebûl nekin. Ya jiyana azad ya jiyana azad. Em dibêjin tecrît wê winda bike, azadî wê biser bikeve.”