AMED – Pîrejina bi navê Kevser Zengîn beşeke zêde ya temenê xwe li taxa Alîpaşa ya Sûrê derbas kiriye. Dayikê aşkera kir ku ew ji derveyê Sûrê nikare li cihekê din bimîne.

Rûxandina navçeya Sûrê ya Amedê bi hemû leza xwe dewam dike, welatiyên li taxa Alîpaşa dimînin, li dijî rûxandinê têdikoşin. Ji 7 salî heta 70 salî welatî li dijî rûxandinê li ber xwe didin, lê rûxandin bi zora polîsan dewam dike. Dayika bi navê Kevser Zengîn 97 salî ye û li taxên ku bêhna dîrokê jê tê dimîne. Dayika Kevser naxwaze ji bala xwe derê, aşkera kir ku ew 75 sal e li taxa Alîpaşayê dimîne û ji derveyê wir nikare li cihekî din bijî.

TEVAHIYA ROJÊ LI BER DERÎ YE

Pîrejina kurd li Sêrtê hatiye dinê, di 22 saliya xwe de wekî bûk hatiye taxa Alîpaşayê û ji wê demê ve ji vir derneketiye. Zengîn dayika 4 zarokan e, ji bo zarokên xwe xweyîke û li malbata xwe mêze ke, 15 salan li Mêrsînê di otelekê de xebitî, ji ber karê xwe diçe û tê. Dayika Kevser dîsa ji dest ji Sûrê bernade, zarokên wê yên li derveyê Sûrê dimînin, naçe gel wan jî. Mala wê ya li kuçeya Kuzu 2 ya Alîpaşayê ye, li ber deriyê xwe venaqete. Di saetên serê sibehê de li ber deriyê xwe kilîma xwe radixe û bi dilekî xemgîl li rûxandina derûdorê temaşe dike.

‘EZ NIKARIM LI CIHEKÊ DIN BISEKINIM'

Zengîn destnîşan kir ku çi dibe bila bibe ew ê ji mala xwe dernekeve, rojnamegerên der barê rûxandina mala wê de dema pirs jê kirin, wê jî ev bersiv da: "Nikarin mala me hilweşînin. Ez ê ji vir veneqetim. Emrê min bi tevahî li vir çû. Ez nikarim li cihekê din bisekinim."

Dayika Kevser extiyara herî temendirêj a taxê ye, dem dem li cihê ku rûdinê ji xwe re kilama dibêje, dem dem jî xwe dirêj dike û ji xwe re radizê.