NAVENDA NÛÇEYAN - Zîrweya G20’ê li bajarê Hamburg ê Almanyayê dest pê kir. Serokwezîra Almanyayê Angela Merkel di merasîma fermî de pêşwaziya serokan kir.

Zîrweya G20 a demek bû behsa wê dihat kirin li bajarê Hamburga Almanyayê dest pê kir. Serokwezîra Almanyayê Angela Merkel, Serokê Dewleta Rûsyayê Vladimîr Pûtîn, Serokê Amerîkayê Donald Trump, Serokomarê Tirkiyê Recep Tayîp Erdogan û gelek serokomar û serokwezîrên welatên din pêşwazî kir.

Piştî ku Merkel, hemû serokan pêşwazî kir, serokê welatên G20ê wê dest bi civînê bikin. Serokê welatên G20’ê piştî wêneyê bi malbatê kişandin wê dest bi hevdîtinan bikin. Di civînê de mijarên wek “retreat”, “Bazirganî û mezinbûna kûrewî” û “têkoşîna li dijî terorîzmê” bên nîqaşkirin.

Yekemîn car Pûtîn û Turamp di zîrweya G20 de hatin gel hev.

ROJA DUYEM

Di roja duyem ya zîrweyê de serokên G20’ê wê civîna “şirîkatiya bi Efrîqa” û “koçberî û tendirustî” li dar bixin. Her wiha di rûniştina 4’em de jî wê ‘dîjîtalbûn, hêbûna jinê û îstîxdam' were gotûbêjkirin.

Piştî girtina rûniştinên zîrweyê wê civîna çapamenî ya Serokatiya G20’ê bê lidarxistin.