NAVENDA NÛÇEYAN - Nûnerê Taybet ê Neteweyên Yekbûyî (NY) yê Sûriyeyê Steffan de Mîstûra, diyar ku divê mefê kurdan bi qanûnan bê parastin û wiha got: "Divê kurd tev li pêvajoya nivîsandina Destûra Bingehîn a Sûriyeyê bibin."

Nûnerê Taybet ê Neteweyên Yekbûyî yê Sûriyeyê Steffan de Mîstûra, têkildarî nivîsandina qanûna bingehîn ya Sûriyeyê xwest ku kurdên li Sûriyeyê tev li pêvajoya nivîsandina Destûra Bingehîn bibin. Mîstûra ji ajansa nûçeyan a Rûsyayê RIA Novostî re axivî û aşkera kir ku nabe ku hebûna kurdan ji nedîtî ve bê û wiha axivî: "Pêwîst e kurdên li Sûriyeyê tev li pêvajoya nivîsandina Destûra Bingehîn a nû ya Sûriyeyê bibin."

Tê gotin ku rayedarên Neteweyên Yekbûyî di hefteyên dawî de li bajarê Lozanê ya Swîsreyê, bi hin "komên mûxalîf" ên Sûriyeyê re li ser Destûra Bingehîn a nû daxivin û nêrîna wan digirin. Rûsyayê, beriya niha di encama hevdîtinên Astanayê de ji bo Sûriyeyê pêşnûmeyeke Destûra Bingehîn pêşkêş kiribû û pêşniyar kiribû û gotina "Ereb" a di navê "Komara Ereb a Sûriyeyê" de ye bê derxistin û ji bo herêmên kurdan jî "Xweseriya Çandî" pêşniyar kiribû.