NAVENDA NÛÇEYAN - Kovara Navenda Têkoşîna li Dijî Terorê ya Akademiya Herbê ya Bejahî û Artêşê ya DYA'yê CTCSNTÎNEL, di berga xwe ya meha Tîrmehê de wêneyê şervanên QSD'ê weşand. Kovarê di binî de nîşeya "Şerê Reqqayê" jî danî û nivîseke edîtorê bi navê Paul Cruîckshank jî weşand.

Kovara Navenda Têkoşîna li Dijî Terorê ya Akademiya Herbê ya Bejahî û Artêşê ya Dewletên Yekbûyî ya Amerîkayê (DYA) CTCSNTÎNEL, di hejmara xwe ya meha Tîrmehê de şer û berxwedana şervanên QSD'ê derxist pêş. Di berga pêşiyê de wêneyê şervanê QSD'ê yê bi navê Hassan Hassan derxist pêş û di binî de jî nîşeya "Şerê Reqqayê" danî. Di bergê de nîvîsa edîtor Paul Cruîckshank jî hat weşandin.

Cruîckshank di nivîsa xwe de bal dikişîne ser du mijarên girîng ên wekî "îdiayên DAIŞ'ê yên wekî xelîfe di dîrokê de winda bûn, ji vana yek, Mizgefta El Nurî ya li Mûsilê ku berî 3 salan Ebu Bekîr Bagdadî lê xîlafeta xwe îlankiribû hat îmhakirin, ya duyemîn milîtanên kurd û ereb ên di bin navê QSD'ê de ku DYA piştgiriya wan dike, ketin paytexta wan Reqqayê."

Di nivîsê de serî il nêrînên şervanê QSD'ê yê bi navê Hassan Hassan jî dan û der barê azadkirina Reqqayê de bi wî re axivîn. Şervanê QSD'ê Hassan aşker dike ku ji bo Reqqa bi tevahî ji DAIŞ'ê bê paqijkirin, dibe bi mehan bajo, lê qebîleyên herêmî alîkariya QSD'ê dikin û ji bo ewlehiya herêmê şibekeyek hatiye vekirin.