STENBOL - Meclîsa Ewlehiya Kar û Tenduristiya Karkeran (ÎSÎGM), rapora binpêkirina mafên karkeran a meha Tîrmehê aşkere kirin û diyar kirin ku di Tîrmehê de 205 karker mirin û di 7 mehên salê de jî herî kêm Hezar û 119 karker mirin.

Meclîsa Ewlehiya Kar û Tenduristiya Karkeran (ÎSÎGM), rapora binpêkirinamafên karkeran û cînayetên kar a meha Tîrmehê aşkere kir.
Meclîsê diyar kir ku di meha Tîrmehê de 205 karker di cînayetên kar de jiyana xwe ji dest dane û di 7 mehên ewil ên 2017'an de jî herî kêm Hezar û 119 karker di cînayetên kar de jiyana xwe ji dest dane. Meclîsê anî ziman ku li Sanadaya Organîze ya Edeneyê 5 karker di cînayetên kar de jiyana xwe ji dest dane û wiha got: Di Tîrmehê de ji 205 kedkarên ji yana xwe ji dest dan jê 16 karker in. 51 karker di karên înşaet û rêyan de, 45 karker di karê çandinî û daristanê de, 19 karker di karê barkeşî û seferan de, 12 karker di karên şaredariyan de, 11 karker di karê bazirganiyê de, 11 karker di karê parastinê de, 10 karker li cihê mêvanxane û seyrangehê de, 8 karker di karê madengeriyê de, 7 karker di karê petrolê de, 7 karker di karê metalê de, 7 karker di karê enerjiyê de, 5 karker di karê cam û çîmendo te, 3 karker di karê zexîre û şekir de, 2 karker di karê tekstîl, 1 karker di karê kaxiz, 1karker di karê ragihandinê, 1 karker di karê gemî û tersane de û 4 karker jî di karên cuda de jiyana xwe ji dest dan.