STENBOL - Di qezaya li Sakaryayê de 7 karkerên demsalê jiyana xwe ji dest dabûn, 9 karker jî birîndar bûbûn. Derket holê ku îhmalkarî di asta herî roj de ye. Karkerên hêj zarok in, diyar kirin ku traktor xirabe bûye û rojek berê ji mirinê filitîne û wiha got: "Xwediyê milk bi vê rewşê hayadar bû. Lê got ku 'min traktor çêkiriye.' Traktor di rê de firênên wê nedigirtin. Me xwe li erdê dît."

Li navçeya Hendekê ya Sakaryayê karkerên bi traktorê diçûn baxçeyên findiqan, di rê de qeza kiribû û yek jê zarok 7 kesan jiyana xwe ji dest dan, 9 kes jî birîndar bûn. Karkerên ku jiyana xwe ji dest dan cenazeyên wan şandin Mêrdînê, tedawiya 9 kesan jî didome. Gelek zarok û jinên li Nexweşxaneya Lêkolîn û Perwerdeyê ya Sakaryayê tên derbamkirin, rewşa hin ji wan giran e. 2 kes di beşa lezgîn, nasanameya 5 kesan hêj nehatiye diyarkirin, kesên bi navê Veysel Akman, Yusuf Akman, Yusuf Çapak û Aleyna Boz rewşa wan ber bi başiyê ve diçe. Zarokan diyar kir ku ji ber ku aboriya wan ne baş e, ew neçar in bixebitin.

Aleyna Boz a 13 salî, da zanîn ku ji ber aboriya malbatê, ew neçar e bi malbata xwe re bixebite. Boz got ku bi wê re çar xweşk, bira, bav û dayika xwe re dixebite û wiha got: "Dayika min ji bo karkeran xwarin çê dikir. Ez jî ji bo piştgiriya malbatê û dibistanê dixebitîm."

'ROJEK BERÊ TRAKTOR HAT AMADEKIRIN'

Boz aşkera kir ku traktora ku ew dibirin kar, rojek berê xirab bûye û wiha axivî: "Berî ku qeza pêk bê, traktor piçek mabû qeza bike lê ajokar em xilas kirin. Bavê min got 'Traktor xirabe ye, em ê careke din bi vê neçin' lê xwediyê traktorê da zanîn ku wî traktor çê kiriye. Me jî bawer kir û em ketin rê. Di rê de firênên wê nedigirtin. Di wê demê de qeza kir û me xwe li erdê dît."

Mahsun Okmen ê ku kurapên xwe yên ku birayên hev in ên bi navê Yusuf û Veysel Akman di qezayê de winda kir, da zanîn ku kurapên wî di qezayê de birîndar bûne û piştre jiyana xwe ji dest dane û ev tişt got: "Ev wehşet e. Ez li Stenbolê bûm, piştî bûyerê ez hatim Sakaryayê. Ez vê wekî lîstokeke zanayî dibînim." Okmen da zanîn ku cenaze birine Qosera Mêrdînê, malbatek parçe bûye û aşkera kir ku rayedar bi qasî ku pêwîst kiriye bi wan re eleqedar nebûne.

Okmen got ku zarok bi bo mesrefên xwe yên dibistanê derxin, çûne xebatê û ev rewş ne wekî qeza, wekî îhmalekê pênase kir û wiha pê de çû: "Ev ne qeder e. Mirovên ku rojê ji bo 30 lîrayî dixebitin, divê ev îşkence li wan neyê kirin. Bila derfetên kar ava bikin û zarokên me neçin mirinê. Dibêjin ev qeder e, ev ne qeder, îhmal e."