SAKARYA - Di qazaya traktorê ya li Sakaryayê de ji 9 kesan rewşa 8 kesan ber bi başiyê ve diçe, ji kesên qeza derbas kirin, rewşa kesekê hêj di xetereyê de ye.

Li navçeya Hendekê ya Sakaryayê karkerên findiqan ên bi traktorê diçûn zeviyê qeza derbas kiribûn, 7 kesan jiyana xwe ji dest dan, 9 kes jî birîndar bûn. Zêdehiya wan zarok, rewşa 8 kesan ber bi başiyê ve diçe, lê Songul Çapat hêj xetereya mirinê derbas nekiriye. Bawer Çagatay ê di beşa lezgin a Nexweşxaneya Lêkolîn û Perwerdeyê ya Sakaryayê de tê dermankirin, piştî çend emelyatan rewşa wî ber bi başiyê ve diçe û li bendê ye bê tabûrcîkirin.

REWŞA BIRÎNDARAN BAŞ E

Zarokên bi navê Aleyna Boz (13), Ugur Boz (10), Yusuf Çapat (12), Veysel Çapat (16) û Yusuf Akman (16) ên li Nexweşxaneya Lêkolîn û Perwerdeyê ya Sakaryayê tên dermankirin, divê îro ji nexweşxaneyê derkevin, Mehmet Boz (16) ji ber ku di qirika wî de birîndarî heye, dê sibê ji nexweşxaneyê derê. Hat gotin ku Gîzem Boz a li Nexweşxaneya Dewletê ya Herekeyê tê dermankirin jî rewşa wê baş e.

‘MIN XWE AVÊT Û EZ RIZGAR BÛM’

Veysel Çapat jî destnîşan kir ku 7 kesan ji ber sersariyê jiyana xwe ji dest daye û piştrast kir ku rojek berê ji mirinê filitîne û wiha got: "Em sibetirê bi heman traktorê çûn kar. Ajovanê ku traktor dajot got ku 'traktor xirabe ye' lê kesî guh nedayê. Dema em ketin rê ji xwe ajovan got 'firen nagirin'. Traktor walî walî ba dibû. Ji bo nekeve qeraxê rê li darê qelibî. Min jî xwe ji ser traktorê avê. Bi vî şeklî ez bi sivikî birîndar bûm."