MELETÎ – Li Meletiyê ber bi dawiya berhevkirina mişmişan ve tê û cotkar jî bi gazincin. Cotkar Kemal Gedîk diyar kir ku di serdema AKP’ê de gubre 15 qat û mazot jî 25 qat zêde bûye lê fiyeta mişmişan di şûna xwe de maye û got: “Bi bangkirina ‘ey Emerîqa, ey Rusya, ey Ewropa’ nabe. Ji bo bazirganiyê divê ewil mirov bibe dost.”

Qeyrana aborî bandora xwe li ser mişmişên Meletiyê jî dike. Mişmiş îhracatî her deverî dibin lê li piyasa Tirkiyê kêm fiyetî tê firotin. Ev yek jî dibe sedemê nerazîbûna cotkarên mişmişan. Ji bo mişmişan Meletiye cihek xwe girîng digire. Esnaf Kemal Gedîk (53) yê li taxa Aşagi Golpinar a bi ser navendê ve dimîne diyar kir ku ew hatiye asta dev ji cotkariya mişmişan berde û cotkar di bin deynên mezin de dixebitin.

GUBRE Û MAZOT GUHERÎN LÊ MIŞMIŞ NEGUHERÎN

Gedîk bibîr xist ku 500 dolim erdê wî û birayên wî yên mişmişan heye û pê debara xwe dikin. Gedîk got ku di serdema AKP’ê de li Meletiyê cotkarî hatiye asta qedandinê. Gedîk anî ziman ku di serdema AKP’ê de fiyeta gubre û mazotê qat bi qat zêde bûye û lê mişmiş qet bûha nebûne. Gedîk da zanîn ku ew nikarin heqê mesrefên xwe derbixin.
Gedîk destnîşan kir ku hilberînerên mişmişan bi pirsgirêkên ekolojîk re rû bi rû mane û kontrola dermanên tên bikaranîn nîne. Gedîk got ku dermanên ne baş di piyasê de tên firotin û darên mişmişan hişk dike.

‘BI BANGKIRINA EY EWROPA NABE’

Gedîk li dijî polîtîkaya hikûmeta AKP’ê li hember cotkaran rexne kir û wiha got: “Ji ber ku navbera Rusya, Ewropa û welatên Rojhilata Navîn û Tirkiyê nexweş e, hilberînên me jî nakirin. Nikarin îhracatê bikin. Dostên me neman. Tenê dostek maye ew jî Katar e dê kengê navbera wan jî xera bibe ne diyar e. Têkiliyên navnetewî bi danûsitendinê re girêdayî ye. Çima em bi herkesî re xeyîdî ne. Ev kar bi gotin û bangkirina ‘ey Emerîqa, ey Rusya û ey Ewropa’ nabe. Divê ji bo bazirganiyê ewil dostanî hebe. Bi saya AKP’ê me van nirxên xwe winda kirin. Ew li meclîsê rûniştîne pereyên xwe distînin, lê ez bi xwêdana eniya xwe jî heqê xwe nastînim.”