EDENE - Serokê Şaxa ZMO'yê ya Edeneyê Semîh Karademîr diyar kir ku daxistina baca gumrikê, kêrî cotkar û sewalkaran nayê, berovajî wê kesên li derveyî welat ji vê yekê sûdê werdigirin û wiha axivî: "Polîtîkaya ku îro tê meşandin, ji dêvla xizmeta kedkarên li welat bike, kêrî kesên li derveyî welat tê. Çareserî ne îthalat e, aboriya bi pilan e

Serokê Şaxa Odeya Endezyarên Çandiniyê (ZMO) Semîh Karademîr, balê kişand ser daxistina baca îthalatê ya di 27'ê Hezîranê de hat sererastkirin û di Rojnameya Fermî de hat weşandin. Karademîr dest nîşan kir ku di îthalata derveyî de, baca gumrukê ya ji bo sewalên wekî dewar ji sedî 135 an daxistine sedî 26, baca gumrikê ya ji bo goştê ku hatiye qerisandin û goştê cangan ji sedî 225'an daketiye sedî 40, genim ji sedî 130 daketiye sedî 45, garis ji sedî 130'an daketiye sedî 25'an, ev yek bi kêrî cotkar û sewalkarên li welat nayê, berovajiyê wê bi kêrî kesên derveyî welat tê.

'PIRSGIRÊK KÛRTIR BÛ'

Karademîr da zanîn ku îthalata sewalan pirsgirêkan çareser nake û wiha axivî: "Hebûna sewalan a li welatê me, asta wan a pêşketinê kêm e û ev rastî ji hêla her kesî ve tê zanîn. Sedema vê ya bingehîn jî ew e ku ji bo kesên bi vî karî re eleqedar qadek nayê avakirin. Bi gotineke din, ne Wezîrê Çandiniyê û ne jî hikûmet bi vê mijarê re eleqeder nabe. Krîza goştê sor a di demên dawî de, ji rojeva welat neketiye, kesên ku difikirin dê çareser bibe, hêj çareser nebûye û di 30'yê Nîsana 2010'an de piştî îthalata hat erêkirin û di Rojnameya Fermî de hat weşandin, berde krîzê çareser bike, hêj pirsgirêk kûrtir kir."

Karademîr got ku "Çareserî di îthalatê de nîne" û wiha domand: "Berhemên çandiniyê yên ku Tirkiye xwediyên wan bû, ji ber polîtîkayên şaş hatin tunekirin. Desthilatdariya siyasî ji dêvla ku piştgiriyê bide kedkarên welat, dide kargehên mezin."

Karademîr herî dawî piştrast kir ku bi hincetên wekî dê enflasyonê daxin, bacên gumrukê hatine xistin, lê ev ji bilî daxistina buhayên hububatan ne tu tişt e.