WAN - Hevserokê Giştî yê HDP'ê Selahattin Demirtaş, peyam ji Nobeta Wîcdan û Edaletê re şand û diyar kir ku sedema girtina wan a li girtîgehê amadekariyên îtîfaqa AKP-MHP'ê ya pêşwext e û wiha got: "Bê guman em ji vê yekê natirsin, serkeftina HDP’ê dê serkeftina demokrasî û aştiya Tirkiyeyê be."

Nobeta Wîcdan û Edaletê ku HDP'ê li Parka Aştiye ya Musa Anter ya Wanê dest pê kiriye di roja 6'an de didome. Hevserokê Giştî yê HDP'ê Selehattîn Demîrtaş, peyam ji nobetê re şand. Peyama Demirtaş beriya civina çapemeniyê hat xwendin. Peyama Demîrtaş şand ji aliyê Parlamenterê HDP'ê yê Wanê Lezgin Botan ve hat xwendin.

Demîraş di peyama xwe de bal kişand ser dedema girtina wekîlên HDP'ê û wiha got: "Ez ji hemû gelê xwe û kesên piştgiriyê dide Nobeta Wîcdan û Edaletê û bi taybetî gelê wanê yê li dijî zextan piştevaniya xwe kêm nakin silav hezkirinên xwe dişînim. Beri her tiştî abluka û dorpêça li dijî hiqûqê ya li dora wekîlên HDP'ê yên ku dixwazin bibin nefesa gelê bindest a wîcdan û edaletê şermezar dikim.

'POLÎTÎKAYA ÎKTÎDARÊ DÊ TÊK BIÇE'

Demîrtaş, anî ziman ku bi van astengiyan dixwazin têkiliya gel û HDP’ê ji hev qut bike û wiha got: "Hêza dorpêçê têr nake ku partiya me û gel ji hev qut bike. Feraseta ku qanûna bingehîn û qanûnên navneteweyî tune dibîne armanc dike ku HDP'ê perçe bike. Ev pêkanînên hikûmeta ku kolanan li gel qedexe dike tu carî nagêje mebesta xwe.

GELÊ ME DI 907AN DE SERÎ LI PÊŞ JÎTÊM'Ê SERÎ DANANÎ NIHA JÎ DANÎNE

Di salên 1990'an de ji bo gelê me têk bibin JİTEM û kontrgerilla mirov dihatin înfazkirin. Niha jî bi milê darazê mirov tên înfazkirin. Daraz ketiye şûna kontirgerila. Gelê me yê wê demê li dijî JİTEM û kontrgerilla serî dananî niha jî li dijî polîtîkayên AKP-MHP'a faşîst dê serî danine. Ger ku em teslîmî tirsê bibin û berjewendiyên xwe yên şexsî esas bigirin em dê hemû destkeftiyên xwe winda bikin. Zilm û pêkanînên faşizmê dê bi dehan salan berdewam bike. Lê ger ku em li her derê di ber xwe bidin dê faşîzm têk biçe. Dixwazin me li hemberî cemaweriya Tirkiye bê qîmet bidin nîşandan. Lê tevî hemû êrîşan em dê tevî her tiştî ji bo wekheviyê dest ji têkoşîna parastina azadî û yekitiya Tirkiye bernedin."

'SEDEMA GIRTINA ME HILBIJARTINA PÊŞWEXT E'

Demîrtaş, anî ziman ku sedema girtina wan a li girtîgehê amadekariyên îtîfaqa AKP-MHP'ê ya pêşwext e û wiha got: "Bê guman em ji vê yekê natirsin, serkeftina HDP’ê dê serkeftina demokrasî û aştiya Tirkiyeyê be. Hevseroka me û wekîla Wanê Birêz Figen Yuksekdag li dijî hiqûqê wekîltiya wê hat xistin. Sedema ve yeke hilbijartina pêşwext e. Bê guman em ji hilbijartinê natirsin. Bi taybetî di kongreyên navçe û bajaran de ez bang li hemû gelê me dikim ku di coşek mezin di van xebatan û kongreyan de cihên xwe bigirin. Divê ji meclisên ciwan û jinan heta meclîsên tax, navçe û bajaran hemû rêxistinên xwe nû bikin. Hemû cih û warên ku AKP'ê bi rêya Qeyûmê desteser kiriye divê dîsa em di şîn, şahî û xebatan degelê xwe bi tenê nehêlin û di nava gelê xwe de bin. Divê tevi her tiştî HDP bi awayekî herî hêz xwe ji hilbijartinê re amade bike. Meclîsa Partiyê û Lijneya Rêveberiya Navendî divê HDP’ê bi wayekî herî xurt j hilbijartinê re amade bike. Divê îtîfaqa herî fireh pêk bîne. Divê gelê me baş bizanibe ger ku em girtî bin jî partiya herî bi hêz em in. Partiya ku pêşeroja siyaseta Tirkiye diyar bike dîsa em in. "

EM DÎWARÊN TIRSÊ BIŞKÎNIN

Demirtaş herî dawî bang li gel kir û wiha got: Ger ku em bi tirsê bijîn û teslîmî tirsaxwe bibin, wê demê faşîzm dê bi ser bikeve. Em dê rojên bi tirs û bindest teslîmî neviyên xwe bikin. Ji bo em pêşerojek bi rûmet ava bikin divê em xwe ji tirsên xwe rizgar bikin û em diwarên tirsê hilweşînin. Serokê Giştî yê AKP'ê butçeya serokomariyê û dewletê xistiye xizmeta xwe û li bajar û navçeyan civînan pêk tîne. Lê em di şert û mercên girtî de xebatên xwe berdewam dikin. Di van şertên ne wekhev û ne demokratîk de dibêjin pêşbirga hilbijartinê. Divê hemû gelê me vê lîstik û hîleyê bibine. Li gel vê yekê divê HDP li dijî westîna metal rêveberiya HDP'ê bibe vina ji pola. Divê tu hêz nikaribe vê vîna wê ya pola teslîm bigire.
Em dê bi vê bîr u baweriyê li dijî faşîzmê tê bikoşin. Ji ber ku faşîzm dawiya emre wêye.

Tevî hevalê xwe yê hucreyê Birêz Abdullah Zeydan bi taybetî ji gelê Colemêrgê re silav û hurmetên xwe dişînin.

Teqez em dê biser bikevin.

Selahattin Demirtaş

Girtigeha Edîrne
12 Tebax 2017”-