ENQERE – Yek ji modelên îtîfaqên li Tirkiye jî rêxistina KESK'ê ye. Hevserokê KESK’ê Mehmet Bozgeyik, diyar kir ku civaka Tirkiye ji bilî jiyana hevpar û têkoşîna hevpar wekî din rê û bijarteyên wê tune û divê tekoşina hevpar xurt bikin.
Li Tirkiye têkoşîna hevpar ne tenê di qada siyasî de tê kirin. Di qada sendîkayî û kedê de jî tê kirin. Yek ji modelên têkoşîna hevpar Konfederasyona Sendîkayên Kedkarên Cemaweriyê (KESK) heye. KESK ku di sala 1995'an de hat avakirin, li gelek welatên Tirkiye sendikayên kedê kom bûn û di bin baneyê konfederasyonê de hatin cem hev û KESK ava kirin. Têkoşîna hevpar a KESK’ê îktîdar bêzar kir û bû hedefa îktîdarê. Ji ber têkoşina hevpar û yekîtiya kedkaran, KESK, gelek caran bû hedef û rastî êrîşên fîzîkî û siyasî hatin. Hevserokê Giştî yê KESK'ê Mehmet Bozgeyik, anî ziman ku li Tirkiye li ser hemû beşên civakê û rêxistinên muxalif tundî her ku diçe mezin dibe û wiha got: "Ev tundiya li Tirkiye pêş dikeve bingeha AKP’ê jî bezar dike. Di serdema AKP'ê de, AKP'ê xwest daxwazên xwe yên yek reng û yek tîp li ser her kesî ferz bike û pispêre her kesî. Dixwaze di qada perwerdehiye de jî feraseta Senteza Îslama Tirk pêş bixe. Pirsgirêka kurdan a 100 salan hêj nehatiye çareserkirin û her diçe kûr dibe. Hêj mafê elewî, suryanî û baweriyên din nehatiye parastin û pêşxistin. Hêj di bin êrîşê de ne. Polîtîkayên cudakarî, bişaftin, nijadperestî hêj serdest in."
'DIVÊ YEKÎTIYA STRATEJÎK BÊ ARMANCKIRIN'
Bozgeyekî, anî ziman ku du curayên îtifakê hene û wiha berdewam kir. "Yek jê îtifaka stratejik ku domdar e. Ya din jî îtîfaqa demî û demkurt e. Li Tirkiye esas bêdivî bi îtîfaqa stratejik heye. Pêdivî bi îtîfaka pir alî û demdirêj heye. Bi têkoşîna hevpar heye. Divê em vê îtîfaqa hevpar û têkoşîna hevpar xurt bikin û mezin bikin. Divê ev îtîfaq li ser daxwazên hevpar ên wekî demokrasî, edalet, aştî, azadiya baweriyan û azadiya xwe îfadekirinê, azadiya siyaseta demokratîk pêş bikeve. Divê li ser çareseriya posîtîf a pirsgireka kurd pêş bikeve."
Bozyekîk destnîşan kir ku di cîhanê de gelek mînak û modelên yekîtî û îtîfaqên stratejik hene û Tirkiye dikare wan ji bo xwe bike mînak. Bozyekî, bilêv kir ku daxwaza wan a sereke rakirina OHAL'ê û rejîma KHK'yan e û wiha bi dawî kir: "Divê zextên li ser siyaseta demokratîk bi dawî bibe. Divê pirsgirêka kurd bi riya demokrasî û aştiyê çareser bibe. Divê laiklik, bawerî, azadiya îfadeyê, azadiya ramanê, azadiya rêxistinbûnê hebin. Divê wekheviya zayendê hebe. Ji bo vê yekê KESK li Tirkiye modelek e. Dikarin KEKSK'ê wekî model bigirin. Kedkarên Tirkiye ji bo yekitiyê dikarin vê modelê pêş bixin. Di nava KESK'ê de hemû bawerî, fikr, reng û kesên cuda wek hev in. Hemû di bin baneyekê de kom bûne.
Îro sendîkaya Memur-Sen girêdayi dewletê û eniyek AKP'ê ye. Lê KESK her dem sekna xwe ya rêgezî, rêziknameyî û nasnameyî diparêze. Ji ber vê sekna KESK'ê her dem dibe hedefa êrişan.
Bozgeyik, bal kişand ser namzetên hevpar û wiha got: "Di hilbijartina 2019'an a Tirkiye de xuya dike ku dê li dijî demokrasiyê gav bên avêtin. Xuya dike ku dê rejima OHAL û KHK yan heta hilbijartinê berdewam bike. Referanduma 16'ê nîsanê bi şik û guman bû. Encama hilbijartina 7'ê Hezîranê li holê ye. Dibe ku hilbijartina 2019'an pêşwext pêk bînin. Ji bo vê yekê hêzên eniya demokrasiyê dikarin namzeteki ku her kes qebûl dike û li ser dibe yek fikir hilbijerin. Ger ku namzetekî hevpar derkeve Tirkiye dikare vê astengiyê derbas bike." Bozyekîk, bilêv kir ku divê êdî kes li bendê nesekinin û tev li têkoşîna hevpar û tifaqê bibin û bi hevre têkoşînê mezin bikin.
Kenan Kırkaya - dihaber