ENQERE - Îlahiyetvan Îhsan Elîaçik, li ser hewldanên îtîfaqê û têkoşîna hevpar rawestiyaû diyar kir ku ji bo muxalifan îtîfaq û têskoşîna hevpar qeder e û wiha got: "Îtîfaqa ku li ser 3 xalan pêk bê dê kesên muhafezekar jî tev li xwe bikin."

Niqaşên îtîfaq û tekoşîna hevpar a li Tirkiye didomin. Her ku zextên AKP’ê yên li dijî muxalifan zêde dibe, niqaşên têkoşîna hevpar û hewldanên îtîfaqê jî zêde dibin. Têkildarî îtîfaq û têkoşîna hevpar Îlahiyatnas û nivîskar Îhsan Eliaçik, anî ziman ku teqez têkoşîna hevpar û îtîfaq êdî mecbûr û qeder e. Elîaçik, bal kişand ser gotina “Ger ku bi hevre tênekoşin û di hilbijartina namzetan a 2019'an li ser namzekî hevpar li hev kom nekin dê winda bikin" û anî ziman ku îttifak pir girîng e. Elîaçik, da zanîn ku êdî îtîfaq qeder e û wiha got: Siyaset karekî rasyonel e. Ji bo aqil û rasyonelite îtîfaq û têkoşîna hevpar muhîm e. Bi taybetî di hilbijartina geştî ya 2019'an de, divê namzeta/ê hevpar bê hilbiartin. Girîng e ku namzeteke/î hevpar derxin û li ser wê-wî li hev bikin. Ger ku namzetek hevpar nernexin gumana ku têk biçin zêde ye. Ger ku guhertinê dixwazin wê demê têkoşîna hevpar êdî qeder e.

Ji bo Tirkiye ber bi normalbûnê ve biçe 3 xalên girîng hene. Ji bo ku hêza muxalif Tirkiye normal bike divê berî her tiştî namzetek hevpar hilbijêrin. Divê bernameya îktidarê derxin û namzet salek şûnde berdana kar tehalum bike. Piştî îktîdar hilbijartin divê li ser bernameya hevpar a îktîdarê bibin yek. 1) Divê OHAL bê rakirin. 2) Divê KHK bi her awayî betal bibe û encamên ku ava kirine jî bên rastkirin. 3) Ji bilî kuştin, dizî, îftîra, taciz û tecawizê divê ji her kesên din re efoya giştî bê derxistin.

DIVÊ DI 6 MEHAN DE QANÛNA DEMOKRATÎK BÊ SAZKIRIN

Divê din ava 6 mehan de qanûna bingehîn ku her kesî hembêz dike bê avakirin û meclîsa sazumankar ji nûve bê sazkirin. Divê hemû kesên xwedî nasnameyên cuda, bîrdoziyên cuda, fikrên cuda û kesên cuda di bin baneyê vê meclîsê de cihê xwe biparêzin. Pêwiste di nava 6 mehan de Qanûna Bingehîn a demokratîk bê avakirin. Ez bingeha CHP û HDP'ê baş nas dikim. Di bingeha wan de daxwaz û hewldanek mezin heye. Mirov dikarin bên cem hev û bi hevre bimeşin. Divê rêveber li hemberî vê yekê nebin asteng. Eniyên dijberî hev dikarin bên cem hev.

Dikarin bi koma Meral Akşener a ji MHP’ê qut bûye re jî bi axivin. Bêyî Tirkiye perçe bibe li ser demokratîkbûna Tirkiye dikarin bên cem hev û bi hevre biaxivin. Çima MHP-HDP neyên cem hev? Em dixwazin komara me demokratîk bibe. Azad û laik bibe. Di pergala parlamenter de dê hemû hêz rengê nasnameya xwe di meclîsê de bidin xuyakirin û parastin.



GER ÎTÎFAQ PÊK BÊ JI MUHAFEZEKARAN JÎ DÊ BÊN

Elîaçik, destnîşan kir ku ger îtîfaq û têkoşînek hevpar ava bike dê kesên muhafezekar jên tev li vê eniyê bibin û wiha bi dawî kir: "Di nava wan de jî bêzari heye. De di referanduma dawî de jî dît ku di nava muhafezekaran de ji sedî 13 bêzar in. Hêzên muhafezekar vê rêveçûnê qebûl nakin. Êdî AKP ne AKP ya berê ye. Êdî AKP teslimî partiya Dogu Perinçek û Ergenekoncuyan bûye. Teslîmî çete û hêzên kûr yên salên 90’an ên di nava dewletê de xwe bi rêxistinkirine bûye.

JI BO ÎTÎFAQÊ ÇI JI DESTÊ MIN BÊ EZ DÊ BIKIM

Em bi awayekî çalak beşdarî xebatên Platforma Edalet û Heq yên "Na" bûn. Ji bo îttifaqê çi ji destê min bê ez dê bikim. Li lêgerîna edaletê de daxwaz zêde ye. Em beşdarî nobeta wîcdan û edaletê bûn. Me li vir xwestek dît. Divê em vê yekê bi rêxistin bikin.
Hikûmet di vê pêvajoyê re rehet nasekine. Dê her dem fesatiyê zêde bike. Divê em baweriya xwe bi gotinê ''Dê Tirkiye demokratîk bike, edalet û aştiyê bîne' nînin."

Kenan Kirkaya - dîhaber