ÊLIH - Piştî qeyûm tayînî Şaredariya Êlihê hat kirin, hat xwestin ku rêveberiya heyî ya Tîma Futbolê ya Jinan 1955 Batmansporê îstifa bike û tîm dewrî qeyûm bê kirin, lê tîm ev pêşniyar red kir. Tîma ku li gel serkeftinên xwe jî, niha li benda piştevaniyê ye.

Tîma Futbolê ya Jinan 1855 Batmanspor a di sala 2012'an de bi piştevaniya Şaredariya Êlihê hat avakirin, li gel maçên xwe yên kêm jî di Lîga 3'yemîn di rêza 3'yemîn de ye. Tekane hedefa tîma ku bi awayekî namexlûb riya xwe didomîne, ew e ku di rêza yekemîn de lîgê biqedîne û paşê derkeve Lîga 2'yemîn. Lê belê, piştî qeyûm tayînî Şaredariya Êlihê hat kirin, şaredarî û hemû saziyên piştevaniya tîmê dikirin dev ji alîkariyên xwe berdan.

Ji antrenorên tîmê Sevgi Argun, piştî tîma wan hatiye avakirin di sporê de wan pêşdaraziyên der barê jinan de şikandine. Argun wiha axivî: "Tîma me ya futbolê ji bo rizandina van vegotinan bû mînakeke baş. Gelek kes keçên ciwan di tîma me de cih digirin. Me bi vana dest pê kir. Ji serkeftinê bêtir, em dixwazin bîrbiriya sproê li jinên me peyde bibe û bi awayekî bi xwe bawer xwe bigihînin cihekî. Hedefa me ya sereke ev e."

‘HEKE JIN BIXWAZE DIKARE HER TIŞTÎ BIKE'

Argun bang li hemû jinên dixwazin bibin lîstikvan kir û wiha got: "Heke jinên me bixwazin dikarin her tiştî bikin. Kesek ji me jî dema çêbû wek lîtikvan nehat dinê. Heke em hewl bidin û bi xwe bawer bin, em tiştên herî baş bikin. Em jin in, hêzdar in û dikarin ji derheqê her tiştî de derkevin. Futbol tenê ne lîstikeke mêran e. Em bi awayekî herî baş vê dikin. Em vê li qadan nîşan didin."

Ji Antrenorên tîmê Yusuf Altun jî diyar kir ku li herêmê tîma jinan a yekemîn a wan e û wiha axivî: "Dema me ewil tîm ava kir, em rastî gelek bertekên neyînî hatin. Me vegotinên 'Jin nikarin bilîzin, futbol ne karê jina ye, karê mêra ye' bihîstin. Dema ewil me bi malbata re hevdîtin çêkirin, zaf bertek nîşan didan. Piştî pêvajo baş çû, jinên me yên lîstikvan bi ser ketin, malbat û xizmên wan jî êdî maç temaşe dikirin."

‘HEDEFA ME LÎGA 2'YEMÎN E'

Altun, diyar kir ku wan bi performanseke baş dest bi sezonê kiriye û wiha axivî: "Piştî qeyûm tayînî şaredariyê hat kirin, em di warê madî û manewî rastî pirgirêkan hatin. Di vê pêvajoyê de jî me bi xwe karê xwe kir, serkeftineke baş bi dest xist. Hedefa tîma me Lîga 2'yemîn e."

‘PIŞTÎ QEYÛM EM RASTÎ PIRGIRÊKÊN MADÎ HATIN'

Altun, ragihand ku piştî qeyûm tayînî şaredariyê hat kirin wan têkiliya xwe bi şaredariyê re qut kiriye û wiha axivî: "Me briyar da ku em ê wek tîma gel tevbigerin. Vê pêvajyê bandoreke neyînî li me kir. Çimkî tîma me hêza xwe ya madî ji şaredariyê werdigirt. Piştî qeyûm, me hêviya xwe bi gelê xwe ve girêda. Li gel tîma me zaf serkeftiye jî, bi zorê em diçûn hin maçên deplasmanê. Di warê meaşê de em tengijîn. Hêvîdarim li ser sazî û dezgehên cemaweriyê dê saziyên civaka sivîl ên Êlihê jî piştevaniya me bikin. Em heta niha bi derfetên xwe hatine vê astê."

‘QEYÛM XWEST RÊVEBERIYA HEYÎ ÎSTIFA BIKE'

Altun, diyar kir ku piştî qeyûm hatiye tayînkirin ji tîmê xwestiye rêveberiya heyî îstifa bike û wê teslîmî qeyûmê bikin. Altun wiha domand: "Qeyûm xwest em bi temamî tîmê dewrî wan bikin. Gotin, 'Heke hûn tîmê bidin em ê bi her awayî piştevaniya wê bikin. Bi vê re di warê mad, û amnevî de çi hewce be em ê bikin.' Gotin, wekî din qethiyen ew ê piştevaniyê nekin. Lê belê, rêveberiya me vê pêşniyarê qebûl nekir. Qeyûm piştevaniya me nake, tenê gelê me dike."

‘EM Ê DI TENÎSA MASEYÊ DE JI BO ŞAMPIYONAYA TIRKIYEYÊ BILÎZIN'

Altun, diyar kri ku tîma wan ê mêran jî bi awayekî baş dest bi lîgê kiriye, lê belê bi qeyûm re di warê madî û manewî de ew rastî gelek pirgirêkan hatine û wiha axivî: "Ji ber vê tîma me ya mêran rastî gelek zehmetiyan hat. Lê di tenîsa maseyê de tîmên me zaf serkeftî ne. Di sezona 2016-2017'an de di hemû qategoriyand e bûn yekemîn. Dê tîma me ya sstêrkan a tenîsê dê îsal beşdarî tûrnûvaya Şampiyonaya Tirkiyeyê ya ku dê di Adarê de li Mêrdînê pêk bê bibe. Em ji wan bi hêvî ne. Înşele em ê bi ser kevin."