ÊLIH - Tîma Futbolê ya Jinan a Batmanspor a ku di 1955'an de hatiye avakirin nîşan didin ku qadên futbolê tenê qada zilaman nîne û spor bêşîdet jî dikare bê lîstin.

Tîma Futbolê ya Jinan a Batmanspor a ku ji 1955&an de hate avakirin û heta niha berdewam dike feraseta ku "futbol lîstika zilaman e" guherandin û nîşanî hemû kesan dan ku hemû jin dikarin futbolê bilîzin. Lîstikvanên ku dema dest bi futbolê kirin rastî nerazîbûnên malbat û derûdor hatin li pişt biryara xwe sekinîn û feraset û têgeh guherandin. Malbatên ku nedixwestin zarokên wan futbolê bilîze jî niha li trîbunan zarokên xwe temaşe dikin.

'EWIL QEBÛL NEKIRIN LÊ IHA TÊN TEMAŞE DIKIN'

Ji lîstikvanên tîmê Ayşe Înal (19) diyar kir ku ji ber ku hez ji dibistanê nedikir dev jê berdaye û piştre futbol nas kiriye. Înal got ku malbata wê ewil li hemberî vê yekê derketine û wiha berdewam kir: "Malbata min ewil ji ber gotinên neyînî yên li derûdorê nerazîbûn nîşan da. Dema ku min israr û guh neda gotinan hatim sehayan û li vir dilîzim. Beşdarî hemû antrenmanan dibim. Têkîldarî malê niha pirsgirêk tuneye. Malbata min piştgiriyê dide. Ew jî girîngiyê didin vê yekê û gelek caran ji bo temaşe bikin tên."

'FUTBOL LÎSTIKA ZILAMAN NÎNE'

Înal têkîldarî feraseta "futbol lîstîka zilaman e" jî wiha axivî: "Jin jî wekî zilaman heta ji zilaman baştir dikarin futbolê bilîzin. Em ji ber ku futbolê dilîzin kêfxweş in. Em li vir piştevaniyê didin hev. Ji ber ku li vir im gelek kêfxweş im. Nabera min û hemû hevalên min baş e. Li vir em pirsgirêkeke najîn. Em hemû weki xwîşk in û em ê vî bidomînin jî. Armanca me weke tîm derketina lîfa jor e û em ê vî jî pêk bînin jîb Ez li vir jinên ku dixwazin futbolê bilîzin vedixwînin sehayan."

'EZ BI WÊNEYÊN XWE YÊN ÇAPEMENIYA CIVAKÎ HATIM KEŞFKIRIN'

Suzan Sayaca (19) jî diyar kir ku ew bi wêneyê xwe yê ku di çapemeniya civakî de parve kiriye hatiye keşfkirin. Sayaca wiha got: "Antrenorê Sîîrtsporê piştî ku wêneyê min ê di çapemeniya civakî de dîtiye bi min re têkîlî danî. Hate Êlihê û di cih de min temaşe kir. Piştre jî ji bo min lîsans derxist. Jiyana min a futbolê wisa dest pê kir."

'HEDEFA MIN DI TÎMÊN MEZIN DE LÎSTIN E'

Sayaca anî zimana ku ew salek e futbolê dilîze û wiha pêdeçû: "Malbal û derûdor gelek piştgiriyê didin min. Weke tîm jî em li vir kêfxweş dibin têkoşîn çawa tê dayîn fêr dibin. Jin ji zilaman baştir futbol dilîzin. Hedefa min di tîmên mezin de lîstin e. Berê jî min di tîma neteweyî de di tîka U17 7e lîst. Ez dixwazim kêmasiyên xwe derbas bikim û careke din biçim wê derê."

'JI BER KU SEHA TUNEYE EM ÊVARAN ÎDMANÊ DIKIN'

Sayaca destnîşan kir ku ew piranî mecbûr dimînin li saheyên xalîçe îdmanê bikin û wiha got: "Li êlihê saheyên mezin tuneye. Ji ber vê yekê jî em li saheyên mezin nikarin antremanê bikin. Di lîga amator de sahe bêhtin futbolvanên zilam bi kar tînin. Ji ber vê yekê jî em mecbûr dimînin piranî îdmanên xwe êvaran bikin. Sedemeke din jî ji ber ku piraniya hevalên me dixwînin em êvaran îdmanê dikin."

'EM RASTÎ ÊRÎŞÊN NIJADPEREST HATIN'

Sayaca da zanîn ku di hin musabaqayan de bi êrîşên nijadperest re rû bi rû mane û wiha axivî: "Em li vir dixwazin nîşanî hemû kesan bidin ku futbol lîstekekî durî şîdetê ye. Di futbola zilam de jî em dibînin ku her tik dijun, gotinên xirab û şîdet heye em di televîzyonan de dibînin. Di futbola jinan de ev tuneye. Em nîşanî welat û cihanê didin ku futbol bêyî şîdet dikare bê lîstin. Em jibilî têkoşîna futbolê ya li saheyê li dijî feraseta 'jin nikarin futbolê bilîzin' jî têdikoşin."

'TENÊ NAXWAZIM LI SAHEYÊ ZILAMAN BIBÎNIM'

Songul Alkiş (19) a xwendekara lîseyê ye jî diyar kir bi xortên taxê re ewil dest bi futbolê kiriye û wiha berdewam kir: "Jiyana min a futbolê her tim aktîf bû. Dema ku min li taxê futbol dilîst hem malbat hem jî derûdor li dijî vê yekê derdiketin. Lê îro bi piştevaniya mamosteyan bi serkeftinên ku ez bi dest dixim malbat êdî asten nabe û eleqedar dibe. Ez sisaheyan tenê naxwazim zilaman bibînim. Jin jî dikarin futbolê bilîzin. Em ji bo vê yekê mînakeke ber bi çav in. Em bi hevre hatin vê derê, bi hevre têkoşiyan û li vir piştevaniya jinan heye."