AMED - Tîma Fûtbolê ya Jinan Diyarbekirspirê ya di Koma 3'yemîn a Lîga 3'yemîn de têdikoşe û li Amedê tîma duyemîn a jina ye got, ew dixwazin derkevin Lîga 2'yemîn û li herêmê bibin duyemîn tîma jinan a herî baş.

Tîma Fûtbolê ya Jinan Diyarbekirspor ya li Amedê hat avakirin û di Koma 3'yemîn a Lîga 3'yemîn de têdikoşe, di koma xwe de tîma sereke ye. Diyarbekirspora di 6'ê hezîranê de hat avakirin, heta niha 4 maç lîstiye û bi awayekî namaxlûb pêşengiya xwe didomîne. Tîma ku bi 5 lîstikvanan hat avakirin, niha kadroya wê ji 34 kesan pêk tê.

'HETA NIHA EM QET TÊK NEÇÛNE'

Serokwekîlê Diyarbekirsporê Cemal Dogrûl diyar kir ku, li gel ew tîmeke jina ya nû ne jî di komê de tîma sereke ne û got, hedefa wan şampiyonî ye. Dogrûl dest nîşan kir ku, piraniya lîstikvanan ji Amedê ne û wiha axivî:"Ji navêeyên hawirdorê jî lîstivanên me yî jin hene. Îsal me wek Diyarbekirsporê, ji bo em ji jin û zarokên bajarê xwe re bibêjin êdî jin ne ferdên ku di nav 4 dîwaran de bên hepskirin in û wek duyemîîn tîma jinan me tîma xwe ava kir. Hedefa me îsal em bibin şampiyon û derbasî lîga jortirîn bibin. Di tîma me de, lîstikvanên ku ber ê jî di lîgê de lîstine hene. Lîstikvanên me yî di sala 2000'îd e çêbûne jî hene. Heta niha em têk neçûne."

'JI BO TÊKOŞÎNA JINÊ ÇI JI DESTÊ ME BÊ EM Ê BIKIN'

Dogrûl anî ziman ku, di jiyana civakî û ya giştî de jin têdikoşin û wiha got:"Jiyana jinê li ser têkoşînê hatiye avakirin. Wek danberheviya vana hemûyan, di karê xwe de cidî ye û taybetmendiyên wê yî xwemal ên ji bo pêşerojê hene. Ji ber vê, li herêmê di vê komê de 13 t,îm têdikoşin û ev jî cihê bextewariyê ye. Zêdekirina hejmara wan did est me de ye. Heke em bi eleqeyî nêz bibin, wê xwebaweriya wan zêde bibe. Ji bo têkoşîn û hedefeên jinê çi ji dest me bê em ê bikin."

'EM DIXWAZIN BIBIN 2'YEMÎN TÎMA MEZIN A HERÊMÊ'

Ji lîstivanên forvetê û qaptana Diyarbekirsporê Safiye Ûçak (21) anî ziman ku, li gel tîma fûtbolê ya jinan Diyarbekirspor tîmeke nû ye jî, bi awayekî serkeftî dest bi serdemê kiriye. Ûçak diyar kir ku, li gel gelek kêmasiyan jî, ew baş têdikoşin û wiha got:"Me 4 lîstik lîstin, me he rêar jî qezenc kirin. Gelek tîmên fûtbolê yên jinan îsal nû hatin avakirin. Lê em, her çiqas nû bin jî, li gor tîmên di lîga me de em zaf baş in. Em ê dev ji yekemîntiyê bernedin û em ê ji bo vê têbikoşin. Hedefa me ew e ku, li herêmê em bibin 2'yemîn tîma fûtbolê ya jinan. Em bang li jinan dikin, jinên dixwazin bi fûtbol an jî tiştên din re eleqedar bibin, bila bibin. Bila dev ji hedefên xwe bernedin. Em bi piştevaniya malbat û alîgirên xwe, em bawer dikin ku, em ê derkevin Lîga 2'yemîn."