AMED - Amedspor a ku di 2'yemîn Lîga Spor Totoyê de di rêza yekemîn de bi biryare ku sezonê bi vî rengî bi daw3i bike. Kadroya îdarî û teknîk a tîmê xwestin ku alîgirên wan tenê nehêle.

Amedspor a ku di 2'yemîn Lîga Spor Totoyê de ye û par rastî êrîşên nijadperest hat û cezayên neheq lê hate birîn li gel vê yekê jî di rêza yekemîn de ye. Tîmê di 12 musabaqayan de 8 caren bi ser ket, 3 caran beramberîhev man û carekî jî bin ket û 27 puan girt., ji ber cezaya ku Lijneya Dîsîplînê ya Futbola Profesyonel (PFDK) di 17 musabaqayan de alîgirên tîmê negirtin stadê.

Ligel vê yekê jî di Kupaya Zîreatê ya Tirkiyeyê de parformansekî baş nîşan da. Serokê Amedsporê Nurullah Edemen diyar kir ku armanca wan derketina lîga jor e û bi heman performansê dê girîngiyê bidin şampiyoniyê.

‘EM DIXWAZIN BIBIN YEKEMÎN'

Edemen wiha got: "Her tim tîmên di rêzên dawî de dibin raqîbên dijwar. Ji ber ku tiştekî ku winda bikin tuneye. Me dîsa futbola xwe nîşan da û em bi ser ketin. Derketina rêze yakemîn zehmet e û dê niha û pê de tîmên din dê bi awayekî cuda bi ser me de bên. Em ê vî serkeftina xwe heta ku ji destê me tê bidomînin û motîvasyona xwe winda nekin. Qet nebe em dixwazin beşa yekemîn di rêza yekemîn de biqedinin. Di beşa duyemîn de jî çi ji destê me bê em ê bikin."

'HEDEFA ME ŞAMPIYONÎ YE'

Edemen têkîldarî negirtina alîgiran jî wiha got: "Em êdî hîn bûne. Neqehiyekî bi vî rengî nerast e, bêalîgir hiştin exlaqî nîne. Hêvîdar im ji şaşîtiyên xwe vegerin. Em her tim ji alîgirên xwe re dibêjin ku di çarçoveya centilmeniyê de emê spora xwe bidomînin. Divê alîgirên me bêhtir hişyar bin. Divê neyên provokasyonan. Hedefa me serkeftin e û derketina lîga jor e. Em bi vî hedefê derketin rê. Armanca me şampiyonî ye."

'JI BO SERKEFTINÊ EM Ê BILÎZIN'

Dîrektorê Teknîkî yê Amedsporê Sertaç Kuçukbayrak jî diyar kir ku hemû musabaqayên wan ên ji niha û pêve yên fînalê ne. Kuçukbayark wiha got: "Em ji bo vî serkeftina xwe bidomînin çi ji destên me bê bikin. Gelek alîgirên Amedsporê hene. Amedspor dê niha û pêve hemû musabaqayan ji bo ku bi ser keve dê bilîze. Armanca me derketina rêza jor e û em dikarin vî bidomînin. Em îsan girîngiyê didin lîgê. Di kupayê de heta ku biçin em ê biçin. Em dixwazin alîgirên Amedsporê li cem me bin. Em ê di dawiya sezone de bigihîjin armanca xwe."