AMED – Tîma Fûtbolê ya Jinan a Amedsporê ya ku serdema borî rastî gelek vegotinên nîjadperest hat û vê serdemê di Lîga 2’yemîn de têdikoşe, vê sezonê hedefa wê Lîga 1’emîn e û dibêje, ji bo ew bibin şampiyon ew ê heta dawî têbikoşin.

Tîma Fûtbolê ya Jinan a Amedsporê di seredma 2016-2017’an di du maçên lîstin de jî bi ser ket. Tîma ku bi formayên mor derdikeve maçan, serdema borî di koma 8’emîn a Lîga 3’yemîn de gelek caran rastî êrîşên nîjadperest hatibû. Vê serdemê hedefa tîmê Lîga 1’emîn e û dibêje, ji bo ew bibin şampiyon ew ê heta dawî têbikoşin.

‘HEDEF LÎGA 1’EMÎN E’

Antrenorê Tîma Amedsporê Bîlal Yakût diyar dike ku, serdema borî bêyî ew transferekê jî bikin di play Offan de mane û got, ew di play Offan de bi ser ketine û bûne şampiyon. Yakût diyar kir ku, dema ew di Lîga 3’yemîn de bûn hedefa wan Lîga 2’yemîn bû û wiha axivî: “Dema me Tîma Fûtbolê ya Jinan a Amedsporê dewr girt, tîm di Lîga 3’yemîn de bû. Di warê lîstikê de gelek kêmaniyên me hebûn. Me di wê astê de dewr girt û bêyî em transferekê jî bikin, em rasterast li play Offan man û bûn şampiyon. Îsal bi hin transfer krin û hedefa me teqez Lîga 1’emîn e. Ji bo vê îdmanên me, xebatên me wê bidomin.”

‘LÎGA HERÎ ZOR’

Yakût dest nîşan kir ku, ew bi lîstikvanên xwe yî jin bawer e û wiha got: “Hemû lîstikvanên me, jinên herêmê ne. Em ê baş amadekaiyên xwe bikin, da vê lîgê derbas bikin. Lîga 2’yemîna Tirkiyeyê, lîga herî zor e. Çimkî dema me lê dinihêrî di Lîga 3’yemîn de ast di navbera du-sê tîman de diyar dibû. Tîmên Lîga 2’yemîn hema bêje hêza wan nêzî hev e. Hemû maç zehmetd erbas dibin. Yanî bi rihetî maç nayên qezenckirin.”

‘BILA MAÇ BI AWAYEKÎ ADIL BÊN BIRÊVEBIRIN’

Qaptana tîmê Guzîde Alçû anî ziman ku, ew ji Lîga 3’yemîn hatin Lîga 2’yemîn û serkeftineke baş bi dest xistine û got, wan bi lez û beziyekê dest bis erdema nû kirine. Alçû anî ziman ku, divê îsal reqîbên wan ji wan bitirsin û wiha got: “Em vê seredmê derektin maçan û em di her 2 maçan de jî bi ser ketin. Em vê serdemê pir baş û bi lez amadekariyên xwe dikin. Çimkî, em pir bi elz diçin. Hedefa me Lîga 1’emîn e. Êdî em naxwazin lic ihê ku em diçinê rastî êrîşê nîjadperest bên. Em cudaparêziya rojava-rojhilat nakin. Dema ew jî bên seha me, em ê wan baş pêşwazî bikin. Bi taybetî di vê mijarê de divê hakem bir hestiyar bin. Bila bia wayekî adil bi rê ve bibin.”

‘BILA ALÎGIRJÎ PIŞTEVANIYA XWE BIDOMÎNIN’

Lîstikvana beka çepê Hêvîdar Odungît jî diyar kir ku, wek serdema sala çûyî hedefa wan lîgeke jortirîn e. Odungît a ku got vê serdemê ew îdiaya wan zêde ye wiha axivî: “Li pêşiya me maça Colemêrgsporê heye. Em dixwazin di vê maçê de jî bi ser kevin û rêya xwe bidomînin. Turubînên me tijî ne, bila alîgirên me piştevaniyê bidomînin em ê bibin şampiyon.”