STENBOL - Pirtûka "Karanfil Mevsimi" (Demsala Qurnefîlan) ku ji qunciknivîs û helbestên rojnamger-nivîskar Akin Olgûn hatiye berhevkirin hat çapkirin. Olgûn, nivîsên xwe yên pirtûkê wek "nivîsên wijdanî" bi nav kirin.

Rojnameger-nivîskar Akin Olgûn nivîs û helbestên xwe yên di rojname û kovaran de kirin pirtûk. Pirtûka Olgûn a bi navê "Karanfil Mevsimi" (Demsala Qurnefîlan) ji Weşanên Firatê derket. Di pirtûkê de nivîs û helbestên Olgûn ku di Kovara Arasiz Sanat û Polîtîkayê, Gazete Karinca, Mavî Melek, Mavî Perî, Hayal Pûsûlasi, BîrGun, Dûvar, Jiyançorg û gelek rojname, kovar û malperên înternetê de weşiyane cih digirin.

'NIVÎSÊN DI PIRTÛKÊ DE NIVÎSÊN WIJDANÎ NE'

Olgûn anî ziman ku ew wek nivîsên wî tenê bin li nivîsên di pirtûkê de cih digirin nanêre û wiha got: "Tercîha min ew e ku em wek nivîsên me lê binihêrin. Peyvên me, hevokên me di nav hevdu de mezin dibin, zêde dibin û belav dibin. Dema mirov bi vî çavê li nivîsan binihêre, ev rojanebûna xwe diparêze."

Olgûn, diyar kir ku dema wî nivîsên di pirtûkê de cih girtine hilbijartiye, hewl daye ku li gel her nivîsê helbestekê jî bi cih bike. Olgûn, got ku ew bawer dike ku her gotina ku temasî wijdan dike veguhêrîner e û wî li ser vî asasî hevokên xwe ava kirine. Olgûn wiha axivî: "Wijdan êşan naxe pêşbaziyê. Wan tim digihîne hev, dike hevhal û vediguherîne. Nivîsên di pirtûkê de cih digirin nivîsên wijdanî ne."