AMED – Pirtûka helbestan "Bêrîrihê" ya nivîskar Mahîr Bagok ku li Girtîgeha Tîpa E ya Mêrdînê grtiye ji Weşanên Avayê derket. "Bêrîrihê" pirtûka 6'emîn a Bagok e.

Li gel hemû zext û zoriyên li dijî çand û zimanê kurdî, nivîskarên kurd berhemên xwe çap dikin û ji girtîgehan bigire heta derveyî welat nivîskarên kurd nivîsandina xwe berdewam dikin. Yek ji van nivîskaran jî Mahîr Bagok e ku bi salane di girtîgehê de ye û bênavber dinivîsîne. Pirtûka dawî ya helbestan "Bêrîrihê" ya nivîskar Bagok ji aliyê Weşanxaneya Avayê derket.

'BÊRÎREHÊ' DERKET

Bagok ku li Girtîgeha Tîpa E ya Mêrdînê girtiye xebatên xwe yên nivîsandinê didomîne. Bagok piştî çapkirina 5 pirtûkên xwe vê carê jî pirtûka xwe ya helbestan a duyemîn a bi navê “Bêrîrehê” çap kir. Bi vê pirtûkê re hejmara pirtûkên çapkirî yên Bagok gihaşt 6'an. Pirtûka helbestan a “Bêrîrehê” ji 6 beşan pêk tê; “Bêrîrazê”, “Bêrînazê”, “Bêrîjînê”, “Bêrîyarê”, “Bêrîrehê” û “Bêrîbêjê”. Her beşek ji helbesteke dûr û dirêj pêk tê.

Bagok vê pirtûka xwe zimanê wê herikbar diyarî “Zîlan, Rûken, Dîlan, Ozlem, Dêrsim û Lîlav…” kiriye.

ÇEND RIST JI HELBESTA MAHÎR BAGOK

“...

Piştî bêrîrehê
Ji henaseyê min veqetiya li jînê
Di gerîneka razan de
Dixeniqe
Xeyalên min li derîzanê bêriyê
Çiqas
Pirtûka helbesta bêrîbêjiyê bikim jî
Nabe rênîşana dile min ê girêdayî eşqa Bêrîrehê
...”

MAHÎR BAGOK KÎ YE?

Di sala 1981’an de li navçeya Nîsêbînê hatiye dinê. Bi eslê xwe ji gundê Bilexşê yê bi ser navçeya Kercewsê ango ji herema Torê ye. Heta liseyê xwendiye. Di sala 2005’an de ji doza siyasî li Êlihê hat girtin. 12 sal in di girtîgehê de ye. Niha li Girtigeha Tîpa E ya Mêrdînê girtiye.

Gelek nivîs û gotarên wî di rojanmeyên Azadiya Welat û Yeni Ozgûr Politika û di Kovara W'yê de weşiyan. Heta niha berhemên nivîskar yên hatine çapkirin ev in: “Deriyê Sibehê (helbest)”, Pênc Kulîlkên Zivistanê (Çîrok), Dewsa Ramûsanên Birûskan (Çîrok), Siya Nepenê (Roman) û Kefiyên Cihêreng (Roman)” hatine çapkirin.

Bîlal Guldem - dihaber