ENQERE - Serokê Herêma Federe ya Kurdistanê Mesût Barzanî, gelek caran di serdemên krîtîk de serdana Tirkiyeyê kir û tim hat diyarkirin ku bi van serdanên xwe pişetvaniya AK Partiyê dike û ev serdanên wî rastî rexneyan hatibûn. Vê carê jî lêrastanîna serdana Barzanî ya ji bo Tirkiyeyê gelekî balkêş e. Tê şîrovekirin ku lêrastanîna serdana vê carê jî ji bo piştevaniya kampanyaya "erê" ya referandûmê ye.

Dê Serokê Herêma Federe ya Kurdistanê Mesût Barzanî, di navbera 25-26'ên Sibatê de bê Enqereyê. Her çi qas heta niha tu bernameyên serdanê nehatibin daxuyandin jî, lê tê diyarkirin ku dê Barzanî bi Serokomar Recep Tayyip Erdogan û Serokwezîr Binali Yildirim re hevdîtinê çêbike.

Barzanî yê demeke li Ewropayê ye, li Almanyayê ew û Serokwezîr Binali Yildirim hatin gel hev û piştî vê hevdîtinê Barzanî derbasî Fransayê bû. Dê piştî tûra li Ewropayê Barzanî derbasî Enqereyê bibe. Li kulîsên Enqereyê tê axaftin ku mijara bingehîn a vê serdanê operasyona Reqayê û polîtîkayên Tirkiyeyê yên têkildarî Rojavayê ne. Li gor hin çavkaniyan, Tirkiyeya ku naxwaza Hêzên Sûriyeya Demokratîk (QSD/HSD) di operasyona Reqayê de cih bigirin, ji bo di vê mijarê de DYA'yê qanih bike, dixwaze di ser Tirkiyeyê re bi derbasbûyîna hin hêzên Pêşmergeyan, beşdarbûyîna Tirkiyeyê ya ji bo operasyonê hêsantir bike. Her wiha tê diyarkirin ku, divê dê Tirkiye pêşniyara "Em YPG'ê ji dewrê derxînin, bila Pêşmerge, Tirkiye, DYA û li gel vê hêzên wek OSO'yê jî beşdarî operasyona Reqayê bibin" li Barzanî bike."

Lê her çi qas sernavên girîng ên mijarê ev bin jî, lê ne ev tenê ne. Ji xwe Serokwezîr Binali Yildirim li Almanyayê ev pêşniyar ragihandibû Barzanî. Lê belê, Barzanî yê gelek caran di serdemên krîtîk de serdana Tirkiyeyê kir û tim hat diyarkirin ku bi van serdanên xwe pişetvaniya AK Partiyê dike û ev serdanên wî rastî rexneyan hatibûn, vê carê jî lêrastanîna serdana Barzanî ya ji bo Tirkiyeyê gelekî balkêş e.

DÎROKA SERDANA WÎ Û YA CIVÎNA REFERANDÛMÊ YA AK PARTIYÊ HEMAN DÎROK E

25'ê Sibatê, roja ku dê Barzanî bê Tirkiyeyê di heman rojê de li Eywana Sporê ya Arenayê dê AK Partî "Civîna danasîna referandûmê" bike. Di 30'yê Îlona 2012'an de jî Barzanî beşdarî kongreya AK Partiyê, ku di vê kongreyê de Erdogan cara dawî wek Serokê Giştî yê AK Partiyê hatibû hilbijartin, bûbû û dê vê carê jî roja civîna danasîna referandûmê ya ku tê xwestin Erdogan wek Serokomar bibe Serokê Giştî yê AK Partiyê, bê Enqereyê.

TEWRA MHP'Ê TÊ MERAQKIRIN

Berê dema Barzanî wek "mêvanê rûmetê" ji bo kongreya AK Partiyê hatibû vexwandin, MHP'ê ji bo protestokirin tu nûnerên xwe neşandibûn kongreyê. Lê vê carê MHP, di guherandina Qanûna Bingehîn de hevkarê AK Partiyê ye. Di guherandina Qnaûna Bingehîn de li Meclîsê îbareya "Kurdistanê" ji aliyê MHP, CHP û AK Partiyê hatibû qedexekirin. Herî dawî jî Serokwezîr Binali Yildirim, di civîna koma xwe de nîşana gurgeboz kiribû. Li gel van xalên balkêş hemûyan jî, her du alî jî têkildarî serdana Barzanî agahiyan nadin û nayê diyarkirin ku dê beşdarî vê civînê bibe yan na. Nûnerê PDK'ê yê Enqereyê Omer Mîranî, diyar kir ku têkildarî serdana Barzanî heta niha tu bernameyek negihaştiye berdestê wan û got, ew îhtimalê nadinê ku dê Barzanî beşdarî civîna li Arenayê bibe.