WAN - Li Wanê, bi destpêkirina germbûna rojê re welatiyan li baxçeyên malên xwe dest bi danîna kulîlk û şitlan kirin û daran dikesixînin.

Li Wanê, bi germbûna rojê re amadekariyên biharê dest pê kirin. Welatiyên li Taxa Xaçortê ya navçeya Riya Armûşê dijîn, bi germbûna rojê re li baxçeyên mala xwe dest bi danîna kulîlk û şitlan, kesaxtina daran kirin an jî ber darên xwe mer didin. Hamit Demir ê 70 salî yê ku bi salan e di her biharê de li baxçeyê xwe heman amadekariyê dike, li baxçeyê xwe tevî neviyê xwe dixebite. Demir ê ku dema karê xwe dike û tecrûbeyên xwe radigihîne neviyê xwe yê li cem wî ye wiha dibêje: "Bi bilîbûna axê û karên baxçe re bextewar dibim. Ez her biharê bi vekirina kulîlkan re têm baxçe û darên xwe dikesixînim. Her wiha kokê daran dikolim û em bi bêran paqij dikin. Em axa bêkêr û nebatên li dorê radikin. Bi vî awayî darên ku nû nû kulîlkan vedikin, hîn bihêztir û sihetir fêkiyan didin. 70 sal in bi axê bextewar im."