SÊRT - Êdî wek berê eleqeyeke zêde ji bo betaniyên navdar ên Sêrtê yên ku ji mûyên bizinan bi keda destan tên çêkirin tune ye. Ji ber li şûna keda destan, makîne zêde bûye êdî çêkirina van betaniyan jî li ber tunebûnê ye.

Li Sêrtê, Betaniya Sêrtê ya ku ji mûyê bizinên tîftîk bi keda destan tên çêkirin, êdî wek berê rastî eleqeyê nayên. Ji ber li şûna keda destan, bi makîneyan tê çêkirin wekî berê eleqeyê nabînei. Ev betanî zivistanan germ, havînan jî hênik dikin û li gor şert û mercên hewaya herêmê tên çêkirin. Ev betaniyên ku ji mûyê bizinan tên çêkirin, qet kevn nabin tim wek berê dixuyên û ji ber ketina giyanewerên xetere yên wek dûpişkan asteng dikin, herî zêde koçer û şivan wan tercîh dikin. Piraniya kesên ku van betaniyan çêdikin, ji kalikên xwe hînî vê sinhetê bûne. Heba van betaniyên ku niha pir kêm tên çêkirin, bi 500 lîreyî ye.

KEDA DESTAN, BETANIYA SÊRTÊ NIHA LI BER QEDANDINÊ YE

Fahrettin Evin ê ku li Sêrtê li dikana xwe ya 20 salan hem van betaniyan çêdike û hem jî wan difiroşe wiha axivî: "20 sal in li vê dikanê vî sinhetî dikim. Lê ji zarokatiya xwe ve di nav vî karî de me. Ji ber mîrateya kalên me ye û ji ber em bi keda destan çêdikin, em ji vê re dibêjin sinhet. Berê li malan dihat çêkirin. Muheqeq li her malê kesekî/e ku dizane betaniyan çêbike heye. Hîn jî hin kes li malê çêdikin, lê ne wek berê. Çimkî, niha ji ber eleqeyeke zêde ji bo vî sinehtî tune ye, li ber qedandinê ye."

MAKÎNEYAN R LI BER GIRT

Evin ê ku li ser tevna xwe ya 20-30 salan sijde, betanî û heybeyan çêdike, anî ziman ku ew beramberiya keda xwe nastîne û ji ber vê ew vî sinhetî hînî zarokên xwe nake. Evin wiha domand: "Êdî eleqe ji bo vê pîşeyê nema ye. Êdî mirov ji dêvla yên bi destan tên çêkirin, berên bi makîneyan tên çêkirin tercîh dikin û tabî ji ber hîn erzantir e. Bi zêdebûna hilberîna bi makîneyan, qîmeta keda destan nema. Yanî makîneyan, sinhetek wind akir. Êdî hilberîna makîneyan, nahlê kesên bi keda desta hildiberînin tu karî bikin. Êdî ez nikarim li dikana xwe betaniyên bi kûnkên heqîqî yên bi destan hatine çêkirin bifiroşim. Berê li dikana min bereke ku bi makîneyan hatibe çêkirin jî tune bû. Lê êdî ji ber mirov ên bi makîneyan tercîh dikin, ji mecbûrî min jî anî dikana xwe. Sedema wê jî, kêmbûna eleqeya ji bo berên destan ên em wan wek sinhet bi nav dikin bi xw eye. Ev jî tê wateya qedandina sinheta destan. Di navbera betaniya ku bi ked destan tê çêkirin û yên bi makîneyan tên çêkirin de gelek ferq hene, lê mirov hay ji vê ferqê tune ne."

Diren Yurtsever - dihaber