ENQERE - Bi armanca çareserkirina pirsgirêka çopê ya li ODTU’yê; xwendekar, mamoste, peywirdar û mezûnên ku înîsiyatifa “çalakiya bêdeng” ava kirin, li nava kampusê bi rêk û pêk dest bi komkirina çopê kirin.

Xwendekar, mamoste, akademîsyen û mezûnên Zanîngeha Teknîk a Orta Doguyê (ODTU) yên li dor fikra “ODTU’ya bêçop” kom bûn li zanîngehê dest bi komkirina çopê kirin. Piştî li ser tora civakî derbarê pirsgirêka çopê ya ODTU’yê gilî hatin “Înîsiyatîfa ODTU’ya Bêçop” hat avakirin. Di înîsiyatîfa bi pêşengiya Selma Çam a ji Beşa Biyolojî a ODTU’yê mezun bûye hat avakirin de 2o xwendekar, akademîsyen û mezun cihê xwe digirin.

ARMANC NEQIRÊJKIRINE

Çam, diyar kir ku li ODTU’yê qada jiyana xwezayî ya aîdî xwe heye, divê paqij bê girtin û wiha got: “Em nabêjin ‘bila mirov çop bajêvin em kombikin’ tiştek wiha naxwazin. Ev destpêke, armanca me ewe ku derdor paqij bihêlin û çalakiyên ji bo neqirêjkirinê li darbixin. Em dixwazin derbarê çopên vegerandinê de jî xebatan bidin meşandin.”

‘BIBORIN ME HÛN NEDÎTIN’

Çam, da zanîn ku piştî li ser çop komkirina wan re 2 roj derbas bûn, qad dîsan vegeriyaye qada çopê û wiha pêde çû: “Me kes hişyarkirin, lê hinek kes neşarezane, dema tu bi şêweyekî xweşik hişyar dikî jî wekî ku di jiyana xwe de cara yekeme dibihîse ku çop pirsgirêkê tevdigere. Em çûn cem kesekê me got ‘çopê ne avêjin’ gotin ‘biborin me hûn nedîtin’. Me got ‘hûn ne mecburin me bibînin, em ê hertim li vir nebin’. Divê paqihî ji dil be. Ger pêkanînek cezakirinê neyê pêkanîn dê pirsgirêka çopê berdewam bike. Wekî pêşniyarekê em ê bi hevalên xwe re nîqaş bikin.”

'DIVÊ YÊN PAQIJ DIKIN JI YÊN QIRÊJ DIKIN ZÊDETIR BIN’

Endamê Perwerdehiyê yê li Başe Perwerdehiya Bingehîn a ODTU’yê Yrd. Doç. Volkan Şahîn ê ku tevlî înîsiyatîfê bûye û aktif dixebite bi lêv kir ku tu pirsgirêkên wan ên darizandina kesekî nîne û wiha axivî: “Em dixwazin ku yên paqij dikin ji yên qirêj dikin zêdetir bin. Çop kirin wekî ‘çalakiyek bêdenge’. Mirov her tim bi erênî pêşwazî dikin. Gelek kes eleqeyê nîşanî çalakiya me didin. Gelek kes jî dibêjin em beşdar dibin. Di rastiyê de hemû kes li benda gav avêtina yekê ne. Hûn vê di dema befir dibare de baş dibinin, dema dibêjî her tim bi giştî şûnpiyek heye yekê dibînî, cuda bûye, riya kurt vekiriye û piştre hemû kes li ser wê riyê berdewam dikin. Tişta Selma daye destpêkirin tiştekî wiha ye. Hêvîdarim ku hinek tişt bên guhertin.”

Selamî Aslan - dihaber