WAN - Li Gundê Orûçlû yê Çildiranê niştecihên taxê yên mastê bi şîrê gamêşan çêdikin, diyar dikin ku ev mast ji bo nexweşînên made û qalindbûna rêviyan, pençeşêr û helîna hestûyan û gelek nexweşiyan derman e. Mastê tê çêkirin kîloya wî jî di navbera 5-7 TL'yan de tê firotin.

Li Gundê Orûçlû yê girêdayî navçeya Çildirana Wanê, 300 malbat dijîn û piraniya wan bi xweyîkirina gamêşan debara xwe dikin. Welatiyên ku şîrê gamêşan dikin mast, kîloya vî mastî di navbera 5-7 TL'yan de difiroşin.

JI BO KESÊN PIRGIRÊKA WAN A XEWÊ HEBE DERMAN E

Welatiyan diyar kir ku, mastê gamêşan ê li gor yê çilek û miyan hinekî tîrtir û biçêjtir e dermanê nexweşînên wek made û qalindbûna rêviyan, pençeşêr û helîna hestûyan û gelek nexweşiyan derman e û tînin ziman ku, ev mast ji aliyê bijîşkan ve tê tewsiyekirin û ji bo kesên pirgirêka wan a xewê heye jî derman e. Mastê gamêşan ê ji navçe û bajarên hawirdorê daxwaza wî tê kirin, carinan heta Stenbolê jît ê şandin. Mastê ku di satilan de dimeye, ciwan şeveqê zû wan dibin û li keviyên riyan disekinin, da bifiroşin.

‘JI BER ÇERMÊ GAMÊŞAN QALIND E'

Orhan Beyazsu yê gamêşan xwedî dike got, ew bi mastê gamêşan debara xwe dikin û wiha axivî: "Li van deran her kes gamêşan xwedî dike, em heywanên din pir xwedî nakin. Ji ber mastê gamêşan ji gelek nexweşînan re derman e, di serî de ji bajarên rojavaya Tirkiyeyê û gelek bajaran daxwaza wî tê kirin. Carinan ji bo vî mastî tên heta van deran. Ji ber postê gamêşan qalind e, li hemberî sermayê li ber xwe didin û ji ber vê li van deran gelek kes wan xwedî dike."