EDÎRNE - Xwendekarên Zanîngeha Trakyayê yên di nav dezgeha “Dîren Unîversîte”yê de cih digirin, ji bo xwedî li akademiya azad û mamosteyên xwe derkevin ew ê di referandûmê de bibêjin "Na".
"Dîren Unîversîte" ya ji aliyê gelek xwendekarên li welat hat avakirin, bi mebesta li zanîngehan xwediyê gotinê xwendekar in hatiye avakirin. Xwendekarên Zanîngeha Trakyayê yên di nav rêxistinbûyîna Dîren Unîversîteyê de cih digirin ji bo referandûmê dixebitin û diyar kirin ku ji bo xwedî li akademiya azad û mamosteyên xwe derkevin ew ê di referandûmê de bibêjin "Na".
Xwendekarê Beşa Wêjeya Yewnanî ya Hevdem Hasan Atik, got ew di xebatên xwe yên "Dîren Unîversîte"yê de bi riya atolyeyên wêjeyê û hunerê xwedigihînin mirovan. Atik wiha axivî: "Me rêxistinbûyîneke bi vî awayî ji xwe re kir hedef. Bi saya vê em bandorê li gelek mirovan dikin. Em wan natengijînin û em ji devê wan nirxandinên polîtîk ên rojane didin. Her wiha em hunerê jî tevlî van çalakiyan dikin. Girseya me ya esas girseya xwendekaran e. Çalakiyên me ji bo her kesî vekirîne, her kes dikare bê û li wir fikrên xwe beyan bike yan jî tenê dikare helbestan bixwîne."
‘LI ZANÎNGEHAN BI AWAYEKÎ MÎKROYÎ PERGALA SEROKATIYÊ HEYE'
Atik, got pergala serokatiyê ya dê di 16'ê Nîsanê de berpêşî referandûmê bê kirin, ji xwe bi awayekî mîkroyî li zanîngehan ev pergal hatiye sepandin û wiha sedemên ji bo çi ew ê wek xwendekarên zanîngehê bibêjin "Na" rêz kirin: "Rektorek li gor dilê xwe tevdigere, li gor dilê xwe şiklekî dide zanîngehê. Em pêkhateyeke zanîngehê ne, lê mafê me yê gotinê tune ye. Ji ber vê em naxwazin serokomar an jî serok şiklekî bide civakê. Ji ber vê em dibêjin 'Na'. Em bi awayekî zaf zelal dibêjin 'Na'. Ji bo vê jî em amade ne ku li qadê bixebitin."
'HEKE EM BÊJIN 'NA' DÊ TEQEZ BOMBE RAWESTIN'
Atik, dest nîşan kir ku bîbiriya bêbinî ya heke "Erê" dernekeve dê her der tevlî hev bibe û dê Tirkiye bê dabeşkirin bi salan heye. Atik, diyar kir ku ew ê wek "Dîren Unîrvesîte" vebêjin ku, heke "Erê" derkeve dê rewş neguhere, heke "Erê" derkeve û pergala serokatiyê bê de rewş ber bi nebaşiyê ve biçe û wiha axivî: "Bi bombeyan gefan dixwin, dibêjin 'dibe ku teqîn çêbibin'. Ji xwe li Tirkiyeyê mirov dernakevin derve. Kêm mirov bêtirs derdikevin Kizilayê, Taksîmê. Heke em bibêjin 'Na' bawerim dê teqez bombe neteqin. Li Edîrneyê di vegotina 'Na'yê de em rastî zehmetiyan nayên. Ji xwe girseyeke meyla wê li ser 'Na'yê heye."
‘JI BO PARASTINA AKADEMIYÊ, MAMOSTEYÊN XWE EM Ê BIBÊJIN 'NA''
Xwendekara Fakulteya Hunerên Ciwankariyê Tugçe Kesim jî dest nîşan kir ku, piştî hilbijartinên 7'ê Hezîranê bi OHAL'ê re zanîngeh ketine bin bandora îktîdara AK Partiyê. Kesim, diyar kir ku li zanîngehan destûra daxuyaniyên çapemeniyê yên mafê wan ê herî demokratîk e nayê dayîn û li dijî dûrxistina xwendekaran a ji zanîngehê û binpêkirina van mafan bertek nîşan da û wiha got: "Pergala Serokatiyê bêyî bê xwe dide hîskirin û dema ev pergal bê em vê qat bi qat bijîn. Ji ber vê em dibêjin 'Na'. Ji ber em jiyanê, aştiyê, azadiyê, akademiya azad û mamosteyên xwe biparêzin em dibêjin 'Na.'
‘EM Ê JI CIWANAN RE SEDEMA ÇIMA EM DIBÊJIN 'NA' VEBÊJIN'
Kesim, têkildarî xebatên ew ê wek Dîren Unîversîteyê bimeşînin wiha got: "Gotina me ya bingehîn 'Di vê berxwedanê de xêrek heye' û em ê li ser vî esasî pêvajoya kampanyaya referandûmê bi rê ve bibin. Her wiha em di nav xebeta 'Ciwan hene' de jî cih digirin, ku ev xebat ji aliyê saziyên xwendekaran bi awayekî hevpar hatiye çêkirin û bi devê xwendekaran 'Na'yê ji mirovan re vedibêje. Em ê di bin banê vê xebatê de panelên çima xwendekar di referandûmêd e dibêjin 'Na' li dar bixin û em ê li kuçeyan belavokan belav bikin."
‘DERKETA 'NA'YÊ JI BO ME HÊVÎ YE'
Kesim, herî dawî wiha axivî: "Ji ber em ciwan li dijî pergala heyî ne, di referandûmê de derketina 'Na'yê helbet ji bo me hêviyek e. Lê di referandûmê de 'Na' jî, 'Erê' jî derkeve em ê wek ciwanan her bitêkoşin. Em ji pergala îroyîn û ya serokatiyê re jî nabêjin 'erê'. Em ji her duyan re jî dibêjin 'Na'."