TÎKÎRDAG - Xwendekarên Zanîngeha Namik Kemal ji bo pêşeroja xwe û li dijî rektor û yek zilamî gotin 'Na'. Xwendekaran xewst kes li ser navê wan biryarê nedin.

Kampanya "Na" li her derê her ku diçe belav dibe. Xwendekarên Zanîngeha Namik Kemal (NKU) diyar kirin ku dê di referandûma 16'ê Nîsanê de li dijî rektorî û pergala yek zilam re bêjin "Na". Xwendekara Zimanê Fransî û Wêjeyê Kardelen Tekin, anî ziman ku ew li dijî pergala yek zilamî ne û wiha got: "Em bi vê pergalê bêtir ji hev hesûd dibin. Em dibin perçe perçe. Divê li dijî vê yekê em bêjin 'Na'." Tekin, anî ziman ku ew ji bo mafê perwerdehiya demokratîk, zanist û bê pere dibêjin 'Na' û xwest her kes li dijî perwerdehiya bazirganiyê bêjin Na. Tekin, bilêv kir ku li dijî endamtiya Prof. Dr. Nihat Hatipoglu ya YOK'ê dibêjn Na.

Xwendekara Fakulteya Veterineriyê Nurhayat Ceylaner (22) jî anî ziman ku ew li dijî perwerdehiya bi pere û dijdemokratik dibêjin Na û ew dixwazin bi vîna xwe ya azad bigêjin mafê xwe.

LI DIJÎ KES LI SER NAVÊ ME BIRYARE BIDE NA

Xwendekarê Beşa Erdnîgariyê Mustafa Oral (21), jî anî ziman ku ji bo kes li ser navê wan biryarê nede û vîna wan azad be dibêjn Na. Oral, xwest her kes li dijî zext zordarî û neheqiyê dengê "Na" bikar bînin.

LI DIJÎ PERWERDEHIYA ZANIST NA

Xwendekarê Biyolojiyê Oguz Gungor (22) jî anî ziman ku ew li dijî pergala yek zilamî û perwerdehiya yek perest dibêjin na. Gungor, anî ziman ku li dijî biyolojiyê êrîşên dijwar hene û ji bo zanista azad ew dibêje Na.

Xwendekara Matematîkê Nurhak Nuriye Çelik (28) jî anî ziman ku ew polîtîkaya bazirgan û tucaran dibêjin na û naxwazin xwe wekî muşteriyan bibînin.