ANTALYA - Xwendekarên Zanîngeha Akdenîzê, dest nîşan kirin ku guherandina rejîmê naşibe girtina erseyan, ev pergal tenê bi ji sedî 50'yê welat çênabe û gotin, ew ê di referandûmê de bibêjin "Na".

Xwendekarên Zanîngeha Akdenîzê nêrînên xwe yên têkildarî referandûmê anîn ziman û gotin, ew ê bi"Na"yê bersiveke xurt bidin eniya "Erê" ya AK Partî û MHP'ê.

‘EV TENÊ JI SEDÎ 50'Î NABE'

Ji xwendekaran Ugur Akyu, anî ziman ku li welat ji aliyê îktîdara AK Partiyê ve konjuktureke tên tê afirandin û got, hikûmet bi rejîma dixwaze pêk bîne, welat ber bi aloziyê ve dibe. Akyu, dest nîşan kir ku pêşnûmaya ku berpêşî referandûmê tê kirin "nayê qebûlkirin" û got, guherandina rejîmê naşibe girtina erseyan û ev pergal tenê ji sedî 50'yê welat pêk nayê.

Ji xwendekaran Emrah Kaçmaz jî anî ziman ku, niha Komara Tirkiyeyê di rewşeke nebaş de ye û got, bi rejîma ku dixwazin bînin, dê li welat hemû derfetên hilbijartinê ji holê bên rakirin. Kaçmaz, diyar kir ku heke di referandûmê de "Erê" derkeve, dê Tirkiye êdî bi dîktatoriyê bê birêvebirin û wiha got: "Li dijî rejîma yekzilamî, ji bo berdewamiya veqetana hêzan ez ê bibêjim 'Na'. Wisa difikirim, heke di vê referandûmê de 'Na' derkeve, dê li vî welatî mirov qet bi rihetî nikaribin bijîn. Ji ber vê dibêjim 'Na'."

'BERSIVA HERÎ BAŞ 'NA' YE'

Xwendekarê bi navê Omer Halit Çemen jî diyar kir ku, ew ê ji bo dawî li xwestekên kesên bi OHAL'ê biryarên kêfî didin û welat vediguherînin dojehê re bibeje "Na" û wiha domand: "Rejîma ku tê ferzkirin, sepandineke zaf kirêt e. Heke em qadan radestî destê yekesî bikin, dê careke din mafê axaftina ciwanan tune be. Divê ji niha ve ev bê rawestandin. Ji ber vê ez dibêjim 'Na'."

'JI BO WELATEKÎ AZAD 'NA''

Xwendekara bi navê İlknur Uyan jî, dest nîşan kir ku ji bo ew bi awayekî azad nêrînên xwe bînin ziman ew ê bibêje "Na". Uyan, ragihand da li vî welatî careke din tecawiz çênebin, mirov nemirin ew ê bibêje "Na" û got, ji bo jin neyên bêdengkirin, ji bo perwerdehiyeke zanistiyî û demokratîk, ji bo akademîsyen û rojnameger neyên girtin ew ê bibêje "Na" û wiha axivî: "Li dijî vana hemûyan, wek ciwanan me dest daye hevdu û em 'Na'yê xurtir dikin."