AMED - Ciwanên li herêmê ji bo piştevaniya kampanyaya "Na" ya HDP'ê bikin, bi navê "Dê bi 'Na'yê biçin' vîdeoyek amade kirin.

Her ku referandûm nêz dibe, li herêmê û bajarên rojavayê Tirkiyeyê piştevaniya kampanyaya "Na"yê ya HDP'ê xurtir dibe. Kedkar, jin, ciwan, xwendekar, akademîsyen, hunermend û gelek derdor li ser medyaya civakî, di TV'yan de bi nûçe û çalakiyên cur bi cur pişetavniya kampanyayê dikin.

Niha jî ciwanên li herêmê ji bo pişetavniya kampanyaya "Na"yê bikin zend û bendên xwe badan. Ciwanan bi têmaya pêvajoya pevçûnan a du sal e li herêmê didome, OHAL, KHK, şideta li dijî jinan, înfazên tên kirin, îşkence, cinayetên kiryar nediyar vîdeoyek amade kirin. Di vîdeoyê de qewimîn û pêkanînên li herêmê bi grafîk û wêneyan tên vegotin û balê dikêşin ser referandûma 16'ê Nîsanê û kampanyaya "Na"yê.

Ji bo vegotina bi OHAL hatin, bi mohran hatin bi dîmenên dema Parlementerê HDP'ê yê Şirnexê ji alitê leşkeran ve hat dorpêçkirin û saziyên bi KHK'yan mohr li deriyên wan hatin didin der. Her wiha di wêneyê bi vegotina "Dê bi 'Na'yê" biçin de jî wêneyê Newroza Amedê ya bi sedhezaran kes beşdarî wê bûbûn hatiye dayîn.

Ji bo vegotina bi îşeknecyê hatin re jî, wêneyê Abdi Aykut ê li dema li Gundê Xerabê Bava yê Nisêbîna Mêrdînê ji aliyê leşkeran ve hat îşkence kirin û wêneyê Kemal Kurkut ê di Newroza Amedê de hat qetilkirin dane.

Hin dirûşmeyên di vîdeoyê de cih digirin ev in:

*"Bi OHAL'ê hatin, bi mohran hatin, dê bi 'Na'yê biçin.

*Bi îşkenceyê hatin, bi înfazan hatin, dê bi 'Na'yê biçin.

*Bi şer hatin, bi şewitandinan hatin, dê bi 'Na'yê biçin.

*Bi kiryar nediyaran hatin, bi komkujiyan hatin, dê bi 'Na'yê biçin.

*Bi qetilkirina xwezayê hatin, bi bendavan hatin, dê bi 'Na'yê biçin.

*Bi diziyê hatin, bi cinayetên karî katin, dê bi 'Na'yê biçin.

*Bi YOK'ê hatin, bi KHK'yan hatin, dê bi 'Na'yê biçin.

*Bi 12'ê Îlonê hatin, dê bi 16'ê Nîsanê biçin.

*Bi qeyûman hatin, dê bi sindoqan biçin.

...

*Dê bi 'Na'yê biçin, em ê bi aştiyê bên."