ÎZMÎR – Nobeta Wîcdan û Edaletê ya HDP'ê dê di 15'ê Tebaxê de li qada Gundogdu ya Îzmirê berdewam bike. Ciwanan diyar kirin ku ew dê bi hezek mezin nobetê pêşwazî bikin û dê reng û mohra xwe li nobetê bixin.

Nobeta Wîcdan û Edaletê ya HDP'ê ku bi silogana "Em ranewestin, em bêjin raweste. Em dê faşîzmê rawestinin" di 25'ê Tîrmehê de li Amedê dest pê kir, piştî Stenbol û Wanê dê Îzmir dewir bigire. Nobeta Îzmirê dê di 15'ê Tebaxê de li Qada Gundogdu ya Îzmirê dest pê bike. Ciwanên Îzmirê ku piştgriyê bidin nobetê û bi girseyî wêşwazî bikin banga tevlêbûna nobetê kirin.

Ji ciwanên Partiya Şoreşger Hazal Elçîn Yanar, diyar kir ku ev di vê çalakiye de dikarin bi israra çîna karker û bindestan biser bikevin û wiha got: "Kesên dixwazin polîtîkayên tundiyê li kolan, zindan, kargerî û hemû qadên jiyanê serdest bikin, divê em li diji wan nobeta wîcdan û edaletê mezin bikin û belav bikin. Divê em bi vê nobetê berxwedanek mezin nîşan bidin. Divê em li kolanan li dijî faşizmê û şer dengê xwe bêtir bilind bikin. Dive hemû kesên alîgirê edalet û demokrasiyê tev li nobetê bibin û nobetê mezin bikin.

'BÊ EDALETIYEK MEZIN HEYE'

Endamê Federasyona Komeleya Ciwanên Sosyalist (SGDF) Denîz Bahçecî jî, diyar kir ku bêedaletiyek pir mezin li Kurdistan û Tirkiye heye û wiha got: “Piştî Pirsûsê Tirkiye ket nava pêvajoya şer. Mirov bi bombeyan hatin kuştin. Mirov hatin îxrackirin. Bê edaletî mezin bû. Ji ber vê yekê HDP'ê dest bi Nobeta Wîcdan û Edaletê kir. Pergal li ser vê axê tiştekî nade ciwanan. Di ezmûnên zanîngehê de bê edaletî heye. Zarokên karker tên kuştin. Ciwan betal in. Girtî rastî îşkenceyê tên. Hemû qadên jiyanê hatine dorpêçkirin. Divê ciwan li gorî rol û misyonên xwe li dijî van neheqî û bêedaletiye tev li nobetê bibin û dakevin qadan. Ciwanan di berxwedana Gezi û Kobanê de rolek mezin lîstin. Disa di xebatên na de rolek mezin lîstin. Niha jî divê rola xwe baş bilîzin. Divê ciwan desdûr nedin dora nobetê dorpêç bikin û li dijî ablukayê di ber xwe bidin."

‘EM DÊ BI BERXWEDANÊ BERSÎVÊ BIDIN'

Endamê Partizan Mehmet Îşcen jî pirsên "Dewlet çima nobetê dorpêç dike? Çima ji lêgerîna edaletê ditirse? pirsî û wiha got: "Divê ciwan bipirsin. Divê hemû ciwanên Tirkiye li dijî vê dorpêça li dijî edaletê dakevin kolanan û di ber xwe bidin. Divê ciwan vê dorpêçê bi berxwedanê bişkînin. Divê ciwan li dijî faşizmê mil bidin milê hev û bimeşin. Divê hemû ciwanên Tirkiye berê xwe bidin qada Gundogdu'

Endamê Malên Gel a Îzmirê Ugur Goçmuş jî anî ziman ku ew dê di hemû qadên ku bê edalet pêş ketiye daxwazên xwe bînin ziman û di nobeta Wîcdan û Edaletê de piştgiriyê bidin çalakiyê.