STENBOL - Li Stenbolê 5 rêxistinên ciwanan ên ku hatin cem hev daxuyaniya "Rejîma serok-dewletiyê rejîma xwîn, rondikên çavan û şer e. Ciwan ji bo jiyanekî wekhev û xwebiratiyê ji sîstema serokdewletiyê re dibêje na" dan.

Hêzên Şoreşger ên Ciwanan, Federasyona Komeleyên Ciwan ên Sosyalît (SGDF), Di Riya Şoreşgerî de Ciwanên Şoreşger , Tevgera Xwendekarên Sosyalîst, Ciwanên Demokratên Nû (YDG), li Odeya Endezyarê Makîneyê (MMO) a Şaxa Taksîmê bi slogana "Ji serok-dewletiye re na, ciwan hene" civîn li dar xist. Di civîna ku gelek ciwan beşdar bûn de daxuyaniya hevpar ji Tevgera Xwendekarên Sosyalîst Dersim Konak kir.

Konak anî ziman ku îxtidarê di nava 14 salan de ji bo ciwanan tarîtiyek hiştiye û wiha got: "Rejîma serowdewletiyê îxtidara bêpêşerojbûn û bêhêvitiyê ye. Ciwan ji bo pêşerojekî bi hêvî, bi rûmet û bi ewle ji serokdewletiyê re dibêje na." Konak da zanîn ku piştî hilbijartinên 7'ê hezîrena 2015'an AK Partiyê li hundir û derve konsepta şer xistiye dewreyê. Konak wiha berdewam kir: "Şerê qesrê xirakirin û mirinê li ser neteweya kurd ferz dike. Di cografyaya kurdan de polîtîkayên şer, bi destên kontrgerîla ve xistin dewreyê. Bajar bi operasyonên tevgera taybet hatin xirakirin."

'CIWAN JI SEROKDEWLETIYÊ RE DIBÊJE NA'

Konak got ku hikûmet li Sûriyeyê wekî ku nava avzêlê û wiha axivî: "Ji serî heta niha piştgirî da çeteyên cihadist, şand Sûriyeyê û qesr ji bo îxtidara xwe ya ku ji bilî mirinê tiştekî nayne dixwaze ciwanan jî bike alî." konak di berdewamê de nirxandina "rejîma serokdewletiyê, rejîma rondik û şer e" kir û wiha got: "Ciwan ji bo jiyanekî wekhev û xwebiratiyê ji sîstema serokdewletiyê re dibêje na."

Civîn bi çepik û sloganan ve bi dawî bû.