ENQERE - Rêxistinên ciwanan ên dibêjin “li dijî serokatiyê ciwan hene” gotin ku diyare referandomê dê di navbera dîktator û kesên teslîm nabin de bê jiyîn.

Li Enqereyê, endamên Ciwanên Demokrasiya Nû (YDG), Federasyona Komeleyên Ciwanên Sosyalîst (SGDF), Tevgera Xwendekarên Sosyalîst (SOH), Di Riya Şoreşê de Ciwanên Şoreşger û DEV-GUÇ’ê bi dirûşmeya “Ji serokatiyê re na, ciwan hene” li avahiya ÎHD’ê ya Enqereyê civînek li darxistin. Li ser navê ciwanan endama SGDF’ê Berfîn Ayirkan daxuyanî xwend. Ayirkan, diyar kir ku AK Partî ji bo rejîma serokatiyê bixe meriyetê amadekariyên referandumê dike û wiha got: “Diyare referandomê dê di navbera dîktator û kesên teslîm nabin de bê jiyîn. Li ser vê erdnîgariyê ciwantiyek ku teslîm nayê girtin û serî na tewîne heye. Ciwan dê ferzkirina serokatiyê li kolanan rawestîne.

'CIWAN DÊ LI DIJÎ SEROKATIYÊ DI ŞER DE BIN’

Aykiran, anî ziman ku ewê li hemû qadan li dijî serokatiyê derbikevin û wiha pêde çû: “Em ê li zanîngeh, kolan û hemû qadan li dijî ewldanên serokatiyê derkevin. Ciwan ji bo ji her kesê re nîşan bide ku li dijî zextên qesrê serî natewîne, gefên wan nikarin me biçewisînin û ji bo bide nîşandan ku dê dîktator winda bike dê di şer de be.”

‘JI BO AZADIYÊ JINÊN CIWAN HENE’
Aykiran, bi lêv kir ku ji roja AK Partî hatiye îktîdarê heta niha qanûnên ku derxistine zayendî ne û wiha axivî: “Bi biryarên qanûnê yên hatine girtin şîdet, êrîşên zayendî û serdestiya zilam her roja ku diçe zêdetir dibe. Serokatî tê wateya xwîn, rûndik û şer. Ji serokatiyê re na ji bo azadiyê jinên ciwan hene. Ciwan ji bo jiyanek wekhev û biratiyê ji rejîma serokatiyê re dibêje na.”