EDENE - Rêxistinên ciwanan, diyar kirin ku ew ê li dijî fezkirina pergala serokatiyê li kolanan bin û wiha gotin: “Ciwan ji bo jiyana wekhev û biratiyê ji rejîma serokatiyê re bêjin Na.”

Endamên Hêzên Şoreşger ên Ciwanan (Dev Guç), Federasyona Komeleyên Ciwanên Sosyalîst (SGDF), Ciwanên Şoreşger ên di Riya Şoreşê de, Tevgera Ciwanên Sosyalîst (SOH) û Ciwanên Demokratên Nû (YDG), bi şîara “Li dijî serokatiyê ciwan hene” li avahiya ÎHD’ê ya Edeneyê civînek li darxistin. Di civînê de endama SDFG’ê Aylîn Yildiz daxuyanî xwend û diyar kir ku AK Partî ji bo rejîma serokatiyê bixe meriyetê amadekariyên referandumê dike.

Yildiz, da zanîn ku li dijî pergala serokatiyê rêxistinên ciwanan li hev kom bûne û wiha got: “Li vê erdnîgariyê ciwanên ku serî natewînin û teslîm nabin hene û dê ciwan li dijî rejîma serokatiyê li kolanan bin. Rejîma serokatiyê îktîdara bêpêşerojiyê û bêhêviyê ye. ciwan ji bo pêşerojek bi rûmet û hêvî ji serokatiyê re dibêje Na. Rejîma serokatiyê rejîma şer û hêsirên çavane. Ciwan ji bo jiyanek wekhev û biratiyê ji rejîma serokatiyê re dibêje Na.”