ROJANE

*Gerînendeyê Weşana Giştî yê Rojnameya Ozgurlukçu Demokrasiyê Yilmaz Yildiz, balê kişand ser zext û zoriyên li ser belavkarên rojnameya wan û wiha got: "Ji bo rojnamegeriya salên 90'î gotina 'lixwekirina gomlekê ji êgir' dihat bikaranîn. Îro jî em heman tiştî dijîn."

*Seroka Şaxa ÎHD'a Stenbolê Parêzer Gulseren Yolerî, diyar kir ku mirina zarokên ku ji ber eciqandina wesayîtên zirxî yên polîsan "ne qeza ne cinayet in". Yolerî, got ku heta ku sûcdar neyên cezakirin, dê bûyerên bi vî rengî zêde bibin.

*Midûriyeta Rêyên Bejayî lojmanên Xizmeta Rêyen Bejayî hincet nîşan da û Qanala Şamranê ya avê ku 3 hezar sal in dirka wê heye xera kir.

*Gelek siyasetmedar, nivîskar, helbestkar, hunermend, şanoger vîdeo weşandin û ji bo rawestandina rûxandina Sûrê bang kirin.

* Dayikên Şemiyê, bi armanca aqûbeta windayan bipirsin û kujer bên darizandin dê di hefteya 645'emîn de li qada Galatasarayê çalakiya xwe berdewam bikin. (12.00)

* Xizmên windayan û Şaxa ÎHD'ê ya Amedê di hefteya 443'yemîn de bi silogana “Bila winda bên dîtin faîl bên darizandin" dê li avahiya ÎHDê ya Amedê çalakiya rûniştinê pêk bînin. (12.00)

* Şaxa ÎHD'ê ya Îzmirê ji bo balê bikişînin ser rewşa girtiyên nexweş dê di hefteya 394'emîn de çalakiya rûniştinê pêk bînin. (13.00)

* Komîsyona Girtigehan a Şaxa ÎHD'ê ya Stenbolê dê di hefteya 280'yemîn de çalakiya "Rûniştina F" pêk bînin. (13.30


* Çalakiya Kolana Yuksele dê di roja 270'an de berdewam bike. (13.30/18.00)

* Çalakiya Nobeta Wicdan û Edaletê ya HDP'ê dê di roja 5'an de li Parka Yogurtçu bi ziyaretên saziyên sivîl û partiyan bidome. (11.00)

JIN

*AKP pêşnûmaya qanûna "Destûra marbirînê ya miftîtiyan" berpêşî Serokatiya Meclîsê kir. Jinan bertek nîşanî vê pêşnûmayê da û gotin ku, dê ev qanûn rê li ber zewaca pirhevserîtiyê vebike.

*Tevgera Jinên Azad (TJA), li dijî êrîş, komkujî, binpekirinên mafên jinan ket nava liv û tevgerê û kampanyaya çalakiyên 3 mehan danî pêşiya xwe. Endama Meclîsa DBP'ê Halide Turkoglu, têkildarî kampanya TJA'yê diyar kir ku pêkanînên li dijî jinan rû didin pêvajoya komkujiya jinê ye û ev kampanya wan jî bersîva vê komkujiyê ye.

JÎNGEHA KEDÊ

*Penaberên sûriyeyî ku li Tûrgûtlûyê li ser înşeatan dixebitin, diyar kirin ku tu ewlehiya wan a karî tune ye û heqdestên wan an qet nayên dayîn an jî dema tên dayîn kêm tên dayîn. Qadîr Rahmiyê sûriyeyî, dest nîşan kir ku li Tirkiyeyê barê şer û krîzê li ser milê penaberan e.

ÇAND Û HUNER

*Keşîşxaneya Sûrp Grîgor û Dêra Qerapêtê ku li gundê Kolanîsê yê navçeya Rêya Hevrişîmê ne, ji ber bêxweyîtiyê tune bûn. Her wiha defînger jî derdora dêrê dikolin û wê texrîb dikin.